பெங்களூரு:Hardik Pandya Retirement : இந்திய அணியின் நட்சத்திர ஆல்ரவுண்டரும், ஐபிஎல்-2022 சாம்பியனுமான குஜராத் டைட்டன்ஸ் கேப்டன் ஹர்திக் பாண்டியா தற்போதைய கிரிக்கெட் உலகின் சிறந்த ஆல்ரவுண்டர்களில் ஒருவர். அண்மையில் நிறைவடைந்த இங்கிலாந்துக்கு எதிரான ஒருநாள் தொடரில் சிறப்பான ஆட்டத்தை வெளிப்படுத்திய பாண்டியா, தொடர் நாயகன் விருதை வென்று இந்தியாவுக்கு தொடரை பெற்றுக் கொடுத்தார். ஆனால் அடுத்த ஆண்டு நடைபெற உள்ள ஐசிசி உலகக் கோப்பை போட்டிக்கு பிறகு ஹர்திக் பாண்டியா ஒருநாள் கிரிக்கெட்டில் இடம்பிடிப்பது சாத்தியமில்லை என்று கூறப்படுகிறது.
28 வயதான ஆல்-ரவுண்டர் ஹர்திக் பாண்டியா 2023 ஆண்டு நடைபெறும் ஐசிசி உலகக் கோப்பை போட்டிக்குப் பிறகு ஒருநாள் கிரிக்கெட்டில் இருந்து ஓய்வு பெறுவார் (retire from One day cricket) என்று. இந்திய கிரிக்கெட் அணியின் முன்னாள் பயிற்சியாளர் ரவி சாஸ்திரி இப்படியொரு ஆச்சரியமான கருத்தை தெரிவித்துள்ளார்.
ஹர்திக் பாண்டியா தொடர்ந்து டி20 போட்டிகளில் விளையாடுவதில் கவனம் செலுத்தி வருகிறார். தற்போது, அடுத்த ஆண்டு ஐசிசி உலகக் கோப்பை (ICC World Cup) போட்டி நடைபெற உள்ளதால் பாண்டியா ஒருநாள் போட்டிகளில் விளையாடி வருகிறார். உலகக் கோப்பைக்குப் பிறகு ஹர்திக் பாண்டியா ஒருநாள் கிரிக்கெட்டில் இருந்து விலக வாய்ப்புள்ளது என்று இந்திய கிரிக்கெட் அணியின் முன்னாள் பயிற்சியாளர் ரவி சாஸ்திரி தெரிவித்துள்ளார்.
இங்கிலாந்து டெஸ்ட் கேப்டன் பென் ஸ்டோக்ஸ் ஒருநாள் கிரிக்கெட்டில் இருந்து ஓய்வு பெறுவதாக அண்மையில் அறிவித்தார். டெஸ்ட் மற்றும் டி20 கிரிக்கெட்டில் (Test and T20 cricket) அதிக கவனம் செலுத்தும் நோக்கில் பென் ஸ்டோக்ஸ் 50 ஓவர் போட்டிகளிலிருந்து விடைபெற்றார். இந்திய அணியின் ஆல்-ரவுண்டர் ஹர்திக் பாண்டியாவும் ஸ்டோக்ஸின் பாதையை பின்பற்ற வாய்ப்புள்ளது. 2016 ஆம் ஆண்டு ஒருநாள் போட்டியில் அறிமுகமான பாண்டியா, இதுவரை 50 ஓவர் 2 ஐசிசி ஒரு நாள் போட்டிகளில் மட்டுமே விளையாடியுள்ளார். 2017ஆம் ஆண்டு இங்கிலாந்தில் நடைபெற்ற ஐசிசி சாம்பியன்ஸ் டிராபியில் விளையாடிய பாண்டியா, 2019ஆம் ஆண்டு இங்கிலாந்தில் நடைபெற்ற ஐசிசி ஒருநாள் உலகக் கோப்பைப் போட்டியில் விளையாடினார்.
இந்தியாவுக்காக 66 ஒருநாள் போட்டிகளில் விளையாடியுள்ள பரோடா ஆல்ரவுண்டர் ஹர்திக் பாண்டியா, 33.80 சராசரியில் 8 அரைசதங்களுடன் 1,386 ரன்கள் எடுத்துள்ளார். அதுமட்டுமின்றி 63 விக்கெட்டுகளையும் (63 wickets) வீழ்த்தியுள்ளார். அண்மையில் நடைபெற்ற இங்கிலாந்துக்கு எதிரான ஒருநாள் தொடரின் கடைசி ஆட்டத்தில், இந்தியா 72 ரன்களுக்கு 4 விக்கெட்டுகளை இழந்திருந்தபோது, 5-வதாக களம் புகுந்த பாண்டியா அதிரடியாக 71 ரன்கள் எடுத்து இந்தியாவுக்கு வரலாற்றுத் சிறப்பு தொடரை வென்று கொடுத்தார்.