Medal for Excellence in Investigation: தமிழக காவல் துறையில் 5 பேருக்கு மத்திய அரசு விருது அறிவிப்பு

சென்னை: Medal for Excellence in Investigation: தமிழகத்தை சேர்ந்த 5 போலீசாருக்கு மத்திய உள்துறை அமைச்சரின் பதக்கம் அறிவிக்கப்பட்டுள்ளது.

நாடு முழுவதும் புலனாய்வுத்துறையில் சிறப்பாக பணியாற்றியவர்களுக்கான மத்திய உள்துறை அமைச்சரின் பதக்கம் அறிவிக்கப்பட்டுள்ளது.

2022-ஆம் ஆண்டில் புலனாய்வுத் துறையில் சிறப்பாக பணியாற்றியவர்களுக்கான மத்திய உள்துறை அமைச்சரின் பதக்கம் 151 காவல்துறையினருக்கு வழங்கப்படும் என அறிவிக்கப்பட்டுள்ளது. இந்தப் பதக்கம் 2018ஆம் ஆண்டு முதல் வழங்கப்பட்டு வருகிறது. குற்றப் புலனாய்வுப் பணியில், உயர் தொழில் தரத்தை ஊக்குவிப்பதுடன், இது போன்ற புலனாய்வுப் பணியில் சிறந்து விளங்குவோரை அங்கீகரிப்பதே இதன் நோக்கமாகும்.

இந்த ஆண்டு 28 பெண் அதிகாரிகள் உட்பட மொத்தம் 151 பேர் தேர்வு விருது பெற செய்யப்பட்டுள்ளனர். விருது பெறுவோரில் அதிகபட்சமாக 15 பேர் மத்திய புலனாய்வு அமைப்பான சிபிஐ-யைச் சேர்ந்தவர்கள்.

தமிழ்நாட்டிலிருந்து காவல் துறை கூடுதல் கண்காணிப்பாளர் ஏ.கனகேஸ்வரி, ஆய்வாளர்கள் கே.அமுதா, எஸ்.சசிகலா, பாண்டி முத்துலக்ஷ்மி, உதவி ஆய்வாளர் ஆர்.செல்வராஜன் ஆகிய 5 பேர் உள்துறை அமைச்சரின் பதக்கம் பெற தேர்ந்தெடுக்கப்பட்டுள்ளனர்.

022 ஆம் ஆண்டிற்கான புலனாய்வுத் துறையில் சிறந்து விளங்கியதற்காக மத்திய உள்துறை அமைச்சரின் பதக்கம் வழங்கப்பட்ட அதிகாரிகளின் பெயர்: