ஹூப்பள்ளி : Karnataka-Maharashtra border dispute: A team of experienced legal experts will be appointed : கர்நாடகா – மகாராஷ்டிரா எல்லைப் பிரச்னை தொடர்பான வழக்கு நவம்பர் 23 ஆம் தேதி உச்ச நீதிமன்றத்தில் விசாரணைக்கு வருகிறது. அரசின் சார்பில் வாதாட அனுபவம் வாய்ந்த மூத்த சட்ட வல்லுநர்கள் குழு நியமிக்கப்படும் என முதல்வர் பசவராஜ் பொம்மை கூறினார்.
ஹுப்பள்ளி விமான நிலையத்தில் (Hubballi Airport) செய்தியாளர்களிடம் பேசிய அவர், எல்லைப் பிரச்சனை தொடர்பாக அட்வகேட் ஜெனரலுடன் ஆலோசித்து தேவையான ஆலோசனைகள் வழங்கப்பட்டதாக கூறினார். நிறைய ஆய்வுகளும் செய்யப்பட்டுள்ளன. வாதங்களை முன் வைக்க மூத்த மற்றும் அனுபவம் வாய்ந்த வழக்கறிஞர்களை நியமிக்க பரிந்துரைக்கப்பட்டுள்ளது.
தொழிற்கல்வி சேர்க்கைக்கான சிஇடி மதிப்பெண் பரிசீலனை தொடர்பாக நீதிமன்றம் பிறப்பித்த உத்தரவை ஆய்வு செய்து அறிக்கை சமர்ப்பிக்குமாறு அட்வகேட் ஜெனரலுக்கு (Advocate General) உத்தரவிடப்பட்டுள்ளது. மேல்முறையீடு செய்வது குறித்து சட்ட நிபுணர்களுடன் ஆலோசித்து முடிவு எடுக்கப்படும் என்றார்.
காவலர்கள் தொடர்பாக போலீஸ் உயர் அதிகாரி ராகவேந்திர அவுராத்கர் அறிக்கை அமல்படுத்தப்படுகிறது. பணியாளர்களும் அதிக திறன்களை வளர்த்துக் கொள்ள வேண்டும். கர்நாடகத்தில் அரசு ஊழியர்களுக்கு கணினி கல்வி கட்டாயமாக்கப் பட்டுள்ளது (Computer education has been made compulsory for government employees in Karnataka). அனைத்து துறை ஊழியர்களுக்கும் இதனை பின்பற்ற வேண்டும் என்று அவர் கூறினார்.
முன்னதாக பெங்களூரில் உள்ள பாஜக மாநில அலுவலகமான “ஜெகன்நாத் பவனில்” (Jagannath Bhavan) நடைபெற்ற கட்சியின் சிறப்புக் கூட்டத்தில் கலந்து கொண்டார். மத்திய நாடாளுமன்றக் குழு உறுப்பினர் பி.எஸ்.யடியூரப்பா, மாநிலத் தலைவர் நளினகுமார் கட்டீல், தேசியப் பொதுச் செயலாளர்கள் சி. ரவி, மத்திய அமைச்சர் பிரஹலாத் ஜோஷி மற்றும் முக்கிய பிரமுகர்கள் கலந்து கொண்டனர்.