பெங்களூரு: Cruelty to animals is punishable: மாநிலம் முழுவதிலும் இருந்து சமூக ஊடகங்கள் மூலம் கர்நாடக விலங்குகள் நல வாரியத்திற்கு துன்புறுத்தல் மற்றும் கொடுமைப்படுத்துதல் தொடர்பான பல புகார்கள் வந்துள்ளன. அண்மையில் நிகழ்வுகள் பெல்காம், பெல்லாரி மற்றும் விஜயபுராவில் இருந்து பதிவாகியுள்ளன. இது குறித்து கர்நாடக விலங்குகள் நல வாரியம் தகவல் வெளியிட்டுள்ளது.
விலங்குகளுக்கு வலி, துன்பத்தை ஏற்படுத்துவது விலங்குகள் மீதான வன்கொடுமை தடுப்பு சட்டம் (Prevention of Cruelty to Animals Act) 1960, பிரிவு 11 இன் படி குற்றமாகும், மேலும் அது இந்திய தண்டனைச் சட்டத்தின் பிரிவுகள் 428 மற்றும் 429 இன் கீழ் சிறைத்தண்டனை மற்றும் அபராதம் விதிக்கப்படும்.
தெருநாய்களை அடிக்கவோ, விரட்டவோ, வேறு இடத்திற்கு கொண்டு சென்று வீசுவதோ அல்லது கொல்லவோ கூடாது, விலங்கு பிறப்பு கட்டுப்பாடு (நாய்கள்) விதிகள் 2001-ன்படி அவற்றை கருத்தடை செய்யலாம்.
தடுப்பூசி போடப்பட்ட பின்னர் அவைகளின் அசல் இருப்பிடத்திற்கு திருப்பி கொண்டு செல்ல விட வேண்டும். தெருநாய்கள் அல்லது மாடுகளை (Stray dogs or cows) ஒரு பகுதியில் இருந்து மற்றொரு பகுதிக்கு இடத்திற்கு யாரேனும் ஒரு நபர் அல்லது ஏதேனும் பஞ்சாயத்து, டிஎம்சி, சிஎம்சி, உள்ளூர் குடிமை அமைப்பு மூலம் இடமாற்றம் செய்வது குற்றம் மற்றும் சட்டத்திற்கு எதிரானது. தவறு செய்பவர்கள் மீது நடவடிக்கை எடுக்கப்படும்.
தெருநாய்கள், கால்நடை மாடுகளுக்கு உணவளிக்க தடை விதிக்கும் சட்டம் இல்லை. இந்திய அரசியலமைப்புச் சட்டம் அனைத்து உயிர்களிடமும் கருணை (Compassion to all living beings) காட்டுவதை அனைத்து குடிமக்களின் பொறுப்பாக ஆக்குகிறது.
விலங்குகளை துன்புறுத்தும் அனைத்து சம்பவங்களும் பதிவு செய்யப்படுகின்றன, மேலும் எதிர்காலத்தில் எந்த காலத்திலும் எந்த விலங்குகளுக்கும் தீங்கு விளைவிக்கப்படாமல் (Without harming any animals) அல்லது கொல்லப்படாமல் இருப்பதை உறுதி செய்ய விழிப்புடன் இருக்க வேண்டும், எந்தவொரு விலங்கும் பாதிக்காதவாறு பொதுமக்கள், சங்க உறுப்பினர்கள் அனைவரும் ஒத்துழைக்குமாறு கேட்டுக் கொள்ளப்படுகிறார்கள்.
பராமரிப்பாளர் துன்புறுத்தினால் அல்லது காயப்படுத்தினால், குற்றவாளிகளுக்கு எதிராக சட்ட நடவடிக்கை எடுக்கப்படும். இதுபோன்ற சம்பவங்கள் ஏதேனும் நடந்தால், அருகில் உள்ள காவல் கட்டுப்பாட்டு அறை எண்: 112 அல்லது கால்நடை பராமரிப்பு உதவி எண் (Animal Husbandry Assistance No) : 8277100200க்கு தெரிவிக்கவும்.