தும்கூர்: Caste problem between husband and wife: கணவன், மனைவி இடையே அடிக்கடி தகராறு ஏற்படுவது வழக்கம். ஆனால் இந்த சண்டைகள் மிகவும் தொடர்ச்சியாக இருக்கக்கூடாது. கணவனும் மனைவியும் உறங்கும் வரை சண்டை போட்டால், காதலில் மட்டும் குறைகள் இருந்தால் பிரச்சனை இல்லை என்பது பழமொழி. ஆனால், தும்கூர் மாவட்டம், அனுபனஹள்ளியில் கணவன், மனைவி இடையே ஏற்பட்ட தகராறு தற்கொலையில் முடிந்துள்ளது.
கணவருடன் நாள்தோறும் ஏற்பட்ட தகராறால் மனமுடைந்த பெண் ஒருவர் தூக்கிட்டு தற்கொலை செய்து கொண்டார்(A woman hanged herself). உயிரிழந்த பெண் 22 வயதான கௌரம்மா என அடையாளம் காணப்பட்டுள்ளார். தும்கூரு புறநகரில் உள்ள, மஞ்சகொண்டனஹள்ளியை சேர்ந்த கௌரம்மா என்பவருக்கும், அனுப்பனஹள்ளியை சேர்ந்த ரவிதேஜா என்பவருக்கும் கடந்த ஆண்டு தான் திருமணம் நடந்துள்ளது.
கௌரம்மாவுக்கு பெற்றோர் இல்லாததால், அவரை அத்தை வளர்த்து ரவிதேஜாவிற்கு திருமணம் செய்து வைத்துள்ளார். பட்டியலின வகுப்பைச் சேர்ந்த கௌரம்மாவிற்கும், தும்கூரு யல்லாப்பூரில் உள்ள ஆடைத் தொழிற்சாலையில் வேலை பார்த்த ரவிதேஜாவும், காதலித்து, பின்னர் திருமணம் செய்து கொண்டுள்ளனர். பட்டியலின வகுப்பை சேர்ந்த கௌரம்மாவை திருமணம் செய்து, அரசிடம் இருந்து ரூ.3 லட்சம் உதவித்தொகை (3 lakh stipend from Govt) பெற்ற ரவிதேஜா, கௌரம்மாவை பட்டியலின சாதியை சேர்ந்தவர் என்று பலமுறை திட்டியதாக கூறப்படுகிறது. இதனால் மனமுடைந்த கௌரம்மா தூக்குப்போட்டு தற்கொலை செய்து கொண்டார். இது தொடர்பாக தும்கூர் மகளிர் காவல் நிலையத்தில் வழக்குப் பதிவு செய்யப்பட்டுள்ளது. பெரும்பாலானவர்களுக்கு காதலிக்கும் போது தெரியாத சாதி பிரச்னை, திருமணத்திற்கு பிறகு தெரிவது ஏன் என்று தெரிவதில்லை.
சில இளைஞர்கள் பட்டியலினத்தைச் சேர்ந்த பெண்களை திருமணம் செய்து கொண்டால், அரசிடமிருந்து ரூ. 3 லட்சம் பெறலாம் என திட்டமிட்டு, காதலித்து திருமணம் செய்து கொள்கின்றனர். திருமணத்திற்கு பிறகு அந்த பெண்களை சாதி பெயரைக் கூறி கொடுமைப் படுத்துவது அதிகரித்துள்ளது. பெண்கள் பலர் கொடுமை தாங்க முடியாமல் கணவரிடமிருந்து பிரிந்து சென்று விடுகின்றனர். ஒரு சிலர் கௌரம்மாவை போல தற்கொலை செய்து கொள்கின்றனர். இது போன்ற சம்பவங்கள் தடுக்கப்பட வேண்டும். இதற்காக அரசு உரிய நடவடிக்கை எடுக்க வேண்டும் (Government should take appropriate action).