Auto that fell into the canal : கால்வாயில் விழுந்த ஆட்டோ: 3 பேரின் உடல்கள் மீட்பு, மூவரை காணவில்லை, 4 பேர் மீட்பு

பெல்லாரி: Auto that fell into the canal : இன்று அதிகாலை பயணிகள் ஆட்டோ ஒன்று கால்வாயில் விழுந்து உயிர் இழந்த சம்பவம் பெல்லாரி மாவட்டம் துங்கபத்ரா கால்வாயில் நடந்தது. ஆட்டோவில் டிரைவர் உட்பட மொத்தம் பத்து பேர் பயணம் செய்ததாக கூறப்படுகிறது. இச்சம்பவத்தில், ஆறு பேர் தண்ணீரில் அடித்துச் செல்லப்பட்ட நிலையில், நான்கு பேர் மீட்கப்பட்டனர். தற்போது, ​​ஆறு பேரில் மூன்று பேரின் உடல்கள் கண்டுபிடிக்கப்பட்டுள்ளன, மற்ற மூன்று பேரை தேடும் பணி நடைபெற்று வருகிறது.

கால்வாயையொட்டி ஆட்டோ சென்று கொண்டிருந்த போது (While the auto was going along the canal) சாலையின் குறுக்கே பெரிய கல் ஒன்று இருந்தது தெரிய வந்துள்ளது. இதனால் கல்லில் ஆட்டோ மோதாமல் தவிர்க்க கால்வாயின் ஓரமாக டிரைவர் ஓட்டிச் சென்றுள்ளார். ஆனால் முடியாமல் போனதால் ஆட்டோ கல் மீது ஏறி கால்வாயில் கவிழ்ந்துள்ள‌து. கால்வாயில் தண்ணீர் பெருக்கெடுத்து ஓடியதால் ஆட்டோவில் இருந்தவர்கள் அதில் அடித்து செல்லப்பட்டனர்.

இச்சம்பவம் நடந்தபோது அதே இடத்தை அடுத்துள்ள வயலில் இளைஞர் ஒருவர் வேலை செய்து கொண்டிருந்தார். விபத்தை நேரில் பார்த்த அவர், உடனடியாக ஆட்டோவில் இருந்தவர்களை காப்பாற்ற முயன்றுள்ளார். ஆட்டோவில் இருந்த 4 பேரை மட்டுமே அவர் மீட்டு, தண்ணீரில் இருந்து மேலே தூக்கியுள்ளார். மற்றவர்களை அவரால் காப்பாற்ற முடியாத நிலையில், 3 பேரின் உடல்கள் இறந்த நிலையில் மீட்கப்பட்டன. இது குறித்து தகவல் அறிந்ததும் உள்ளூர் காவல் நிலைய போலீஸார் மற்றும் தீயணைப்புப் படையினர் சம்பவ இடத்துக்கு விரைந்தனர். தற்போது போலீசார் மற்றும் தீயணைப்பு வீரர்கள் (Policemen and firefighters) கால்வாயில் அடித்துச் செல்லப்பட்டு, காணாமல் போன 3 பேரை தேடி வருகின்றனர்.

விபத்துக்கு ஆட்டோ ஓட்டுநரின் அலட்சியமே (Negligence of the driver) காரணம் என கூறப்படுகிறது. இச்சம்பவத்தில் நிங்கம்மா, துர்கம்மா, புஷ்பாவதி ஆகியோர் உயிரிழந்த நிலையில் சடலமாக மீட்கப்பட்டனர். ஹேமாவதி, ஷில்பா, மகேஷ் மற்றும் பீமா ஆகியோர் உயிர் தப்பினர். மற்ற மூவரான லட்சுமி, நாகரத்னா மற்றும் ஹுலிகெம்மாவை காணவில்லை, அவர்களை தேடும் பணியில் போலீசார், தீயணைப்பு படை வீரர்கள் தேடி வருகின்றனர்.

கால்வாயில் ஆட்டோ விழுந்ததில், ஆட்டோ தண்ணீரில் அடித்துச் செல்லப்பட்டது. இதனால் கயிறு கட்டி ஆட்டோவை இழுக்க முயன்றபோது, கயிறு அறுந்து ஆட்டோ தண்ணீரில் அடித்து செல்லப்பட்டது (The rope was cut and the auto was washed away in the water). மொத்தத்தில், காலையில் எழுந்து அன்றைய தினத்தை தொடங்கியவர்கள் திரும்ப முடியாத உலகத்திற்கு பயணித்தது பெரும் சோகமாகும்.