பெங்களூரு: (Virat Kohli MS Dhoni) இந்திய கிரிக்கெட் அணியின் முன்னாள் கேப்டன் மகேந்திர சிங் தோனி, கிரிக்கெட் உலகம் கண்டிராத தலைசிறந்த கேப்டன்களில் ஒருவர். ஐசிசி டி20 உலகக் கோப்பை, ஐசிசி ஒருநாள் உலகக் கோப்பை, ஐசிசி சாம்பியன்ஸ் டிராபி ஆகியவற்றை வென்ற உலகின் ஒரே கேப்டன் எம்.எஸ். தோனி மட்டுமே.
தோனியின் தலைமையில் வளர்ந்த கிரிக்கெட் வீரர்களில் விராட் கோஹ்லியும் ஒருவர். தோனிக்கும் கோஹ்லிக்கும் நண்பர், குரு-சிஷ்யர் உறவு உண்டு (There is a guru-disciple relationship). இந்திய அணிக்கு தோனி கேப்டனாக இருந்த போது, விராட் கோஹ்லி நீண்ட காலம் துணை கேப்டனாக இருந்தார். தற்போது விராட் கோஹ்லி இந்திய அணியில் எம்.எஸ்.தோனி உடனான தொடர்பு குறித்த சுவாரஸ்யமான தகவலை வெளியிட்டுள்ளார். தோனியுடன் ஒரு புகைப்படத்தை வெளியிட்ட கோஹ்லி, அவரது துணை கேப்டனாக இருப்பது எனது கேரியரில் மிகவும் மகிழ்ச்சியான மற்றும் உற்சாகமான காலம் என்று சுட்டுரையில் பதிவிட்டுள்ளார்.
“இந்த மனிதரின் நம்பகமான துணை கேப்டனாக இருப்பது எனது கிரிக்கெட் வாழ்க்கையின் மகிழ்ச்சியான மற்றும் உற்சாகமான காலகட்டமாகும். எங்கள் உறவு எனக்கு எப்போதுமே சிறப்பு” என்று விராட் கோஹ்லி சுட்டுரையில் பதிவிட்டுள்ளார். விராட் கோஹ்லியின் கிரிக்கெட் வாழ்க்கையில் எம்.எஸ். தோனி முக்கிய பங்கு வகித்துள்ளார். சர்வதேச கிரிக்கெட்டில் (international cricket) கோஹ்லியின் திறமையை தோனி அங்கீகரித்து அதிக வாய்ப்புகளை உருவாக்கினார். அதுமட்டுமின்றி கோஹ்லியை துணை கேப்டனாக தேர்வு செய்தவர் எம்.எஸ். தோனி. பின்னர், விராட் கோஹ்லி அணியை வழி நடத்த தயாராக இருப்பதாக நம்பிய நிலையில், தோனி கோஹ்லிக்கு கேப்டன் பதவியை விட்டுக் கொடுத்தார். சர்வதேச கிரிக்கெட்டில் இருந்து ஓய்வு பெறுவதாக தோனி அறிவித்தபோதும், கோஹ்லி சுட்டுரையில், “அவர் எப்போதும் என் கேப்டனாக இருப்பார்” என்று கூறியிருந்தார்.
விராட் கோஹ்லி தற்போது ஆசிய கோப்பை போட்டிக்காக துபாயிக்கு சென்றுள்ளதால், இழந்த பேட்டிங் ஃபார்மை மீண்டும் பெற முடியும் என்ற நம்பிக்கையில் உள்ளார். ஆசிய கோப்பை போட்டி நாளை (சனிக்கிழமை) தொடங்குகிறது. நடப்பு சாம்பியனான இந்தியா தனது முதல் ஆட்டத்தில் பரம எதிரியான பாகிஸ்தானை ஞாயிற்றுக்கிழமை துபாய் சர்வதேச கிரிக்கெட் மைதானத்தில் (Dubai International Cricket Stadium) எதிர்கொள்கிறது. இந்த போட்டிகளில் விராட் கோஹ்லி தனது இழந்த ஃபார்மை பெறுவார் என்று கிரிக்கெட் ரசிகர்கள் நம்பி உள்ளனர்.