துபாய்: (Asia Cup 2022 Live Telecast) ஆசிய கோப்பை கிரிக்கெட் போட்டியின் 15 வது பதிப்பு நாளை (சனிக்கிழமை) தொடங்கவுள்ளது மற்றும் போட்டியின் முதல் ஆட்டம் இலங்கை மற்றும் ஆப்கானிஸ்தான் அணிகளுக்கு இடையே நடைபெறுகிறது. 7 முறை ஆசிய கோப்பை கோப்பையை வென்று சாதனை படைத்துள்ள நடப்பு சாம்பியனான இந்தியா, தனது முதல் ஆட்டத்தில் பரம எதிரியான பாகிஸ்தானை துபாய் சர்வதேச கிரிக்கெட் ஸ்டேடியத்தில் ஞாயிற்றுக்கிழமை எதிர்கொள்கிறது. பாகிஸ்தான் அணி 2 முறை ஆசிய கோப்பையை வென்றுள்ளது.
அக்டோபர்-நவம்பர் மாதங்களில் நடைபெறவுள்ள ஐசிசி டி20 உலகக் கோப்பை (ICC T20 World Cup) போட்டியின் பின்னணியில் ஆசிய கோப்பை போட்டி டி20 முறையில் நடைபெறவுள்ளது. ஆகஸ்ட் 31ஆம் தேதி நடைபெறும் 2 வது லீக் ஆட்டத்தில் ரோஹித் சர்மா தலைமையிலான இந்திய அணி தகுதிச் சுற்று ஹாங்காங்கை எதிர்கொள்கிறது. ‘ஏ’ பிரிவில் இந்தியா, பாகிஸ்தான், ஹாங்காங் அணிகளும், ‘பி’ பிரிவில் 5 முறை சாம்பியனான இலங்கை, ஆப்கானிஸ்தான், வங்கதேசம் அணிகளும் இடம் பெற்றுள்ளன.
குழுநிலையில் ஒவ்வொரு அணியும் ஒருமுறை நேருக்கு நேர் மோதும். முதல் இரண்டு இடங்களை பிடிக்கும் அணிகள் சூப்பர்-4 சுற்றுக்கு தகுதி பெறும், அங்கு நான்கு அணிகளும் சூப்பர்-4 கட்டத்தில் ஒன்றுடன் ஒன்று விளையாடும். சூப்பர்-4ல் முதல் இரண்டு இடங்களை பிடிக்கும் அணிகள் இறுதிப்போட்டிக்குள் நுழையும். இறுதிப் போட்டி செப்டம்பர் 11ஆம் தேதி துபாயில் நடைபெறவுள்ளது.
இந்தியா Vs பாக் 3 நேருக்கு நேர்?
ஆசிய கோப்பை போட்டியில் இந்தியா, பாகிஸ்தான் அணிகள் 3 முறை சந்திக்கும் வாய்ப்பு உள்ளது. இந்தியா மற்றும் பாகிஸ்தான் அணிகள் லீக் மற்றும் சூப்பர்-4 நிலைகளில் இரண்டு முறை மோதுவது உறுதி. இரு அணிகளும் இறுதிப் போட்டிக்குள் நுழைந்தால், செப்டம்பர் 11 ஆம் தேதி துபாய் மைதானத்தில் நடைபெறும் இறுதிப் போட்டியுடன் 15 நாட்களில் மூன்றாவது முறையாக மோதும்.
ஆசிய கோப்பை டி20 (Asia Cup 2022) போட்டி அட்டவணை
குழு ஏ
இந்தியா Vs பாகிஸ்தான்: ஆகஸ்ட் 28, துபாய்
இந்தியா Vs ஹாங்காங்: ஆகஸ்ட் 31, துபாய்
பாகிஸ்தான் Vs ஹாங்காங்: செப்டம்பர்-2, ஷார்ஜா
குழு பி
இலங்கை Vs ஆப்கானிஸ்தான்: ஆகஸ்ட் 27, துபாய்
பங்களாதேஷ் Vs ஆப்கானிஸ்தான்: ஆகஸ்ட் 30, ஷார்ஜா
இலங்கை Vs பங்களாதேஷ்: செப்டம்பர் -1, துபாய்
சூப்பர்-4 கட்டம்
B1 Vs B2: 03 செப்டம்பர், ஷார்ஜா
A1 Vs A2: 04 செப்டம்பர், துபாய்
A1 Vs B1: 06 செப்டம்பர், துபாய்
A2 Vs B2: 07 செப்டம்பர், துபாய்
A1 Vs B2: 08 செப்டம்பர், துபாய்
B1 Vs A2: 09 செப்டம்பர், துபாய்
இறுதி: செப்டம்பர் 11, துபாய்
போட்டிகளின் ஆரம்பம்: இந்திய நேரப்படி இரவு 7.30 மணிக்கு
நேரடி ஒளிபரப்பு: ஸ்டார் ஸ்போர்ட்ஸ் நெட்வொர்க்
நேரடி ஸ்ட்ரீமிங்: டிஸ்னி + ஹாட்ஸ்டார்
ஆசிய கோப்பை சாம்பியன்கள்:
இந்தியா: 1984, 1988, 1990-91, 1995, 2010, 2016, 2018
இலங்கை: 1986, 1997, 2004, 2008, 2014
பாகிஸ்தான்: 2000, 2012