துபாய்: (Kinchit Shah Love Story) கடந்த ஆண்டு ஐபிஎல் போட்டியின் போது சென்னை சூப்பர் கிங்ஸ் அணியின் நடுத்தர வேகப்பந்து வீச்சாளர் தீபக் சாஹர் தனது காதலியிடம் ஸ்டேடியத்தில் தனது திருமணத்திற்கான விருப்பத்தை காதலியிடம் தெரிவித்துக் கொண்டார் என்பது உங்களுக்குத் தெரியுமா? இந்தியா மற்றும் ஹாங்காங் இடையேயான ஆசிய கோப்பை போட்டிக்கு பிறகு துபாய் சர்வதேச மைதானத்தில் இந்த நிகழ்வு நடைபெற்றது.
கடந்த புதன்கிழமை நடைபெற்ற ஆசிய கோப்பை போட்டியில் இந்தியா அணி, ஹாங்காங் அணியுடன் மோதியது. (India Vs Hong Kong Asia Cup 2022) இதில் தோல்வியடைந்த பிறகு, ஹாங்காங் வீரர் கிஞ்சித் ஷா தனது காதலியிடம் மைதானத்தில் திருமணத்திற்கான விருப்பத்தை முன்மொழிந்தார். இந்தியாவுக்கு எதிராக 28 பந்துகளில் 30 ரன்கள் குவித்த கிஞ்சித் ஷா, போட்டி முடிந்ததும் தனது காதலி இருந்த ஸ்டாண்டுக்கு சென்றார். அப்போது போட்டியில் தோல்வி அடைந்ததால், வருத்தத்தில் இருக்கும் காதலர் கிஞ்சித் ஷாவை கட்டிப்பிடித்து ஆறுதல் கூற முன்வந்தார். ஆனால் அங்கு நடந்த்தே வேறு.
காதலியின் முன் மண்டியிட்டு கிஞ்சித் ஷா ஒரு மோதிரத்தை பிடித்து, “என்னை திருமணம் செய்து கொள்வாயா?” என்று கேட்டார். இதைக் கேட்ட காதலின் கண்களில் மகிழ்ச்சி பொங்க ஒரு கணம் வியப்படைந்தார். பிறகு இதில் இருந்து மீண்ட அவர், காதலரின் திருமண விருப்பத்திற்கு க்ரீன் சிக்னல் கொடுத்தார் (Green signaled the lover’s desire to marry). இதனையடுத்து, கிஞ்சித் ஷா தனது காதலிக்கு மோதிரம் அணிவித்தார். இந்த காட்சியை ஆசிய கிரிக்கெட் கவுன்சில் தனது சுட்டுரை கணக்கில் வெளியிட்டு, இருவரின் புதிய வாழ்க்கைக்கு வாழ்த்துக்கள் தெரிவித்துள்ளது.
ஹாங்காங் கிரிக்கெட் அணிக்காக ஆடி வரும் கிஞ்சித் ஷா (Kinchit Shah is playing for the Hong Kong cricket team) மும்பையைச் சேர்ந்தவர். கிஞ்சித் ஷாவின் தந்தை ஒரு வைர வியாபாரி. மகனுக்கு 3 மாத குழந்தையாக இருக்கும் போது, தந்தை ஹாங்காங் சென்றார். கிஞ்சித் ஷா தனது 10 வயதில் ஒரு பேட்-பந்தை கையில் எடுத்தார், ஏனெனில் அவரது தந்தையும் கிரிக்கெட் விளையாடினார். இதன் பிறகு 4 ஆண்டுகள் ஒரு கிளப்பிற்காக விளையாடினார். பின்னர் ஹாங்காங் அணிக்கு தேர்வு செய்யப்பட்டார். கிஞ்சித் ஷா 2018 ஆம் ஆண்டு நடைபெற்ற ஆசிய கோப்பை போட்டியிலும் விளையாடினார்.
இந்தியாவுக்கு எதிரான ஆசிய கோப்பை போட்டிக்குப் பிறகு தனது காதலிக்கு திருமணத்திற்கான விருப்பத்தை முன்மொழிய ஹாங்காங் கிரிக்கெட் அணி வீரர் கஞ்சித் ஷா ஏற்கெனவே திட்டமிட்டிருந்தார். அதன்படி, திருமண விருப்பத்தை முன்மொழிந்து மைதானத்தில் நிச்சயதார்த்தம் செய்து கொண்டார்.இந்த அழகிய காட்சியை மைதானத்தில் இருந்த கிரிக்கெட் வீரர்கள் மற்றும் கிரிக்கெட் ரசிகர்கள் (Cricketers and cricket fans) கண்டுகளித்தனர்.