துபாய்: (Asia Cup 2022 special person) ஆசிய கோப்பை 2022 இன் தொடக்க ஆட்டத்தில் பாகிஸ்தானை ஐந்து விக்கெட் வித்தியாசத்தில் வீழ்த்தி இந்திய அணி நல்ல தொடக்கத்தை பெற்றது. இந்நிலையில், இந்திய அணி கேப்டன் ரோகித் சர்மா மற்றும் முன்னாள் கேப்டன் விராட் கோஹ்லியுடன் நபர் ஒருவர் புகைப்படம் எடுத்துக் கொண்டுள்ளார். தற்போது இந்த புகைப்படம் சமூக வலைதளங்களில் வைரலாக பரவி வரும் நிலையில், அந்த ஸ்பெஷல் நபர் யார் என்ற ஆர்வத்தை ஏற்படுத்தி உள்ளது.
இந்தப் போட்டியை இந்தியா-பாகிஸ்தான் (India-Pakistan) ரசிகர்கள் மட்டுமின்றி இலங்கை ரசிகர்களும் கண்டுகளித்தனர். குறிப்பாக இந்திய கிரிக்கெட் வீரர்களை விரும்பும் இலங்கை ரசிகரான கயான் சேனாநாயக்க இந்தியா-பாகிஸ்தான் போட்டியை பார்த்தார். மாற்று திறனாளியான கயான் சேனாநாயக்க உண்மையான கிரிக்கெட் ரசிகர். வழக்கமாக இலங்கை போட்டிகளின் போது காணப்படும் கயான் சேனாநாயக்க தற்போது ஆசிய கோப்பைப் போட்டிகளை காண துபாய் வந்துள்ளார். இதற்கிடையில், இந்திய அணியின் விருப்பமான இரண்டு வீரர்களை சந்திக்கும் வாய்ப்பு அவருக்கு கிடைத்தது.
கயான் சேனநாயக்க சமூக ஊடகங்களில் தான் கிளிக் செய்த புகைப்படத்தை பகிர்ந்து தனது மகிழ்ச்சியை வெளிப்படுத்தினார். இந்த அரிய புகைப்படத்தில், விராட் கோஹ்லி மற்றும் ரோஹித் சர்மா (Virat Kohli and Rohit Sharma) ஆகியோர் சேனநாயக்காவின் இருபுறமும் போஸ் கொடுத்துள்ளனர். தற்போது இந்த புகைப்படம் வைரலாகி கிங் கோஹ்லி-ஹிட் மேனின் ரசிகர்கள் பெரும் பாராட்டுகளை தெரிவித்து வருகின்றனர்.
குறிப்பாக விராட் கோஹ்லியின் உண்மையான ரசிகரான சேனாநாயக்கவின் புகைப்படம் மீண்டும் வைரலாகி வருகிறது. 2017 இல், மும்பையில் விராட் மற்றும் அவரது மனைவி அனுஷ்கா ஷர்மாவின் (Virat and his wife Anushka Sharma) திருமண வரவேற்பு நிகழ்ச்சியில் சேனநாயகா கலந்து கொண்டார். அந்த புகைப்படத்தின் மூலம் இந்திய கிரிக்கெட் பிரியர்களுக்கு கயான் சேனநாயக்க அறிமுகமானார். தற்போது இந்திய அணியின் இரண்டு நட்சத்திரங்களுடன் அமர்ந்து புகைப்படம் எடுத்து சமூக வலைதளங்களில் புதிய அலையை உருவாக்கியுள்ளார் கயான் சேனாநாயக்க.
இந்த ஆண்டு ஆசிய கோப்பையில் இந்தியா வெற்றியுடன் தொடங்கிய நிலையில், ஆப்கானிஸ்தானுக்கு எதிராக இலங்கை பரிதாபமாக தோற்றது (Sri Lanka lost miserably against Afghanistan). அடுத்த ஆட்டத்தில் வங்கதேசத்துக்கு எதிராக வெற்றி பெற்றால் மட்டுமே அடுத்த கட்டத்துக்கு முன்னேறும் வாய்ப்பு இலங்கைக்கு கிடைக்கும். அதாவது கயான் சேனாநாயக்க எதிர்பார்த்தபடி இந்தியா-இலங்கை மோதும் பட்சத்தில் இலங்கை அணி சூப்பர்-4 சுற்றுக்குள் நுழைய வேண்டும். எனவே அடுத்த போட்டி இலங்கை அணிக்கு செய் அல்லது மடி போட்டியாகி உள்ளது.