பெங்களூரு: Arresting unrelated people, making them leaders: ஆளும் கட்சியினர் சம்பந்தம் இல்லாதவர்களை கைது செய்து, அவர்களை தலைவர் ஆக்குகின்றனர் என்று காங்கிரஸ் கட்சியின் மாநிலத் தலைவர் டி.கே.சிவகுமார் தெரிவித்தார்.
பெங்களூரில் வியாழக்கிழமை முதல்வருக்கு எதிராக போஸ்டர் ஒட்டியதாக கைது செய்யப்பட்ட காங்கிரஸ் கட்சியினரை ஹைகிரவுண்ட் காவல் நிலையத்தில் (Highground Police Station) பார்த்து வந்த அவர் பின்னர் செய்தியாளர்களிடம் கூறியது: நாளை எங்கள் எம்.எல்.ஏக்கள் அனைவரும் அரசு அலுவலகங்களில் முதல்வர் போஸ்டர் ஒட்டுவார்கள். அடுத்து எங்கு ஒட்டுவது என்று கூறுவோம். பாஜகவும் எங்களுக்கு கியூஆர் குறியீட்டை வைத்துள்ளது. நான் விசாரணைக்கு சென்றபோது, ஊடகங்கள் என்னை கம்பிகளுக்குப் பின்னால் புகைப்படம் எடுத்தனர். அவர்கள் மீது புகார் அளிக்க முடியுமா?. அரசியலில் இருப்பவர்களைக் கேள்வி கேட்பதும் விமர்சிப்பதும் இயல்பு. ஆட்சியில் இருப்பவர்கள் இதை ஜீரணித்துக் கொள்ள வேண்டும்.
அரசின் ஊழல் குறித்து ஊடகங்கள் செய்தி வெளியிட்டன (The media reported on government corruption). ஒப்பந்ததாரர் குற்றம்சாட்டினார். எங்கள் பிரசாரத்தில் 8 ஆயிரத்துக்கும் மேற்பட்டோர் ஊழலால் பாதிக்கப்பட்டுள்ளதாக கூறினர். எனவே, கட்சி சார்பில், செல்லிடப்பேசி எண் கொடுத்து பதிவு செய்யும்படி கேட்டுக் கொண்டோம். ஊழல் அரசை நாங்கள் குற்றம் சாட்டியுள்ளோம், பாஜகவும் எங்கள் மீது ஊழல் குற்றச்சாட்டுகளை சுமத்தியுள்ளது. நாட்டிலேயே ஊழல் மிகுந்த அரசு இது, மாநிலத்தை நாட்டின் ஊழல் தலைநகராக மாற்றியுள்ளது. இந்த அரசின் ஊழலை வெளிக் கொணர வேண்டியது எங்களின் கடமை.
எங்களுக்கு எதிராக நூற்றுக்கணக்கான சுவரொட்டிகளை பாஜக வெளியிட்டும் அவர்கள் மீது எந்த நடவடிக்கையும் எடுக்கப்படவில்லை. இது அதிகார துஷ்பிரயோகமா என்ற கேள்விக்கு, ‘அதிகார துஷ்பிரயோகம், பயம் மற்றும் வெறுப்பு அரசியல் (Abuse of power, politics of fear and hate). நாங்கள் 40 சதம் கமிஷன் வசூலித்தோமா? முதல்வர் பதவிக்கு ரூ. 2500 கோடி தர வேண்டும் என்று சொன்னோமா?. பாஜக எம்எல்ஏ யத்னாலே சொன்னார். ஊழல் குறித்து பேசிய எங்கள் எம்.எல்.ஏ பிரியங்க் கார்கேவை வரவழைத்த அரசு, யத்னல், விஸ்வநாத் மற்றும் மடங்களின் சுவாமிகளை ஏன் வரவழைக்கவில்லை? விதான சவுதா முன் ஒப்பந்ததாரர் சங்கம் குற்றச்சாட்டை முன்வைத்த போது ஏன் வழக்குப் பதிவு செய்யவில்லை?. இந்தக் கருத்தை மக்கள் பேசி வருகின்றனர். எங்கள் மீதும் குற்றம் சாட்டியுள்ளீர்கள். விசாரிக்கட்டும். அதை வரவேற்கிறோம்’ என்றார்.
சட்டசபையில் போராட்டம் நடத்துவீர்களா என்ற கேள்விக்கு, ’40 சதம் கமிஷன் விவகாரம் குறித்து விவாதிக்க கமிட்டி தீர்மானம் போட்டுள்ளது. அவையில் எங்கள் சட்டமன்ற கட்சி தலைவர்கள் போராடுவார்கள்’ (Our assembly party leaders will fight in it)என்றார். காங்கிரஸ் தொண்டர்கள் கைது செய்யப்பட்டது குறித்து அவரிடம் கேட்டபோது, ’7-8 காங்கிரஸ் தொண்டர்கள் கைது செய்யப்பட்டுள்ளனர், அவர்களைப் பார்த்து பேச வந்துள்ளேன். எங்கள் மீது வழக்குப்பதிவு செய்யுமாறு கூறியுள்ளோம். 100 வழக்குகள் போட்ட பிறகு இது 101வது வழக்காக இருக்கட்டும். சம்பந்தம் இல்லாதவர்களை கைது செய்து, அவர்களை தலைவர் ஆக்குகின்றனர் என்றார்.