தில்லி: Today is the day when great personalities like Subramania Bharathi bow before : சுப்ரமணிய பாரதி போன்ற சிறந்த ஆளுமைகள் முன்பு தலைவணங்கும் நாள் இந்த சுதந்திர தினம் என்று பிரதமர் நரேந்திரமோடி தெரிவித்தார்.
தில்லி செங்கோட்டையில் திங்கள்கிழமை சுதந்திர தினத்தையொட்டி பிரதமர் நரேந்திரமோடி தேசியக் கொடியை ஏற்றி வைத்து, ஆற்றிய உரையில், நாட்டின் சுதந்திரத்திற்காகப் போராடியவர்கள், தேசத்தைக் கட்டியெழுப்பியவர்கள் டாக்டர் ராஜேந்திர பிரசாத், ஜவகர்லால் நேரு, சர்தார் வல்லபாய் பட்டேல், எஸ்.பி.முகர்ஜி, எல்.பி.சாஸ்திரி, தீன்தயாள் உபாத்யாயா, ஜே.பி. நாராயண், ஆர்.எம்.லோகியா, வினோபா பாவே, நானாஜி தேஷ்முக், சுப்ரமணிய பாரதி (Subramania Bharathi)உள்ளிட்ட ஏராளமானோர் உள்ளனர். அத்தகைய சிறந்த ஆளுமைகளுக்கு முன் இன்று தலைவணங்க வேண்டும். இந்த சுதந்திர தினத்தில் அனைத்து இந்தியர்களுக்கும், இந்தியாவை நேசிப்பவர்களுக்கும் வாழ்த்து தெரிவித்துக் கொள்கிறேன். புதிய தீர்மானத்துடன் புதிய திசையை நோக்கி அடியெடுத்து வைக்கும் நாள் இது.
ராணி லக்ஷ்மிபாய், ஜல்காரி பாய், ராணி சென்னம்மா (Rani Chennamma), பேகன் ஹஸ்ரத் மஹால் என இந்தியப் பெண்களின் வலிமையை நினைத்துப் பார்க்கும்போது ஒவ்வொரு இந்தியாவும் பெருமையுடன் நிரம்பி வழிகிறது. மங்கள் பாண்டே, தாத்யா தோபே, பகத் சிங், சுக்தேவ், ராஜ்குரு, சந்திரசேகர் ஆசாத், அஷ்பகுல்லா கான், ராம் பிரசாத் பிஸ்மில் மற்றும் பிரிட்டிஷ் ஆட்சியின் அடித்தளத்தை அசைத்த நமது எண்ணற்ற புரட்சியாளர்களுக்கு அவரது தேசம் நன்றி தெரிவிக்கிறது. கடமையின் பாதையில் தங்கள் உயிரைக் கொடுத்த மகாத்மா காந்தி, நேதாஜி சுபாஷ் சந்திரபோஸ், பாபாசாகேப் அம்பேத்கர் ஆகியோருக்கு நாடு நன்றி தெரிவித்துக் கொள்கிறது.
இந்தியா ஜனநாயகத்தின் தாய் (India is the mother of democracy). 75 ஆண்டுகால பயணத்தில் பல சவால்களை எதிர்கொண்டுள்ளது. என்றாலும் விலைமதிப்பற்ற திறன் கொண்ட நாடு என்பதை நிரூபித்துள்ளதாகவும். 2047ல் 50 வயதை அடையும் இளைஞர்கள், சுதந்திரம் அடைந்த 100 ஆண்டுகளுக்குள் இந்தியாவை வளர்ந்த நாடாக மாற்ற உறுதிமொழி எடுக்க வேண்டும். வளர்ந்த நாட்டிற்காக ‘பஞ்ச் பிரான்’ (ஐந்து உறுதிமொழிகள்) எடுக்குமாறு இந்திய மக்களைக் கேட்டுக் கொள்கிறேன். முதலாவதாக, வளர்ந்த இந்தியாவின் பெரிய தீர்மானங்கள் மற்றும் உறுதியுடன் முன்னேறுவது, இரண்டாவதாக, அடிமைத்தனத்தின் அனைத்து தடயங்களையும் துடைக்க வேண்டும், மூன்றாவதாக, நமது பாரம்பரியத்தைப் பற்றி பெருமிதம் கொள்ளுங்கள், நான்காவது, ஒற்றுமையின் வலிமை, ஐந்தாவது, பிரதமர் மற்றும் முதல்வர்கள் அடங்கிய குடிமக்களின் கடமைகள் ஆகியவை என்றார்.
பெண்கள் குறித்த மனநிலையை மாற்றி கொள்ள வேண்டும். பெண்களுக்கு அதிகாரம் வழங்கும் போது நமது கனவுகள் மேலும் வளரும். பெண்களின் முன்னேற்றம் மிக அவசியமானது (Advancement of women is essential). அவர்களுக்கு நாம் உரிய மதிப்பளிக்க வேண்டும். நாட்டின் வளர்ச்சிக்கு பாலின சமத்துவம் முக்கியம். ஊழல், உறவுமுறை இரண்டு பெரிய சவால்கள் நாடு எதிர் கொண்டு வருகிறது. ஊழல் எனது நாட்டை கரையான் போல் தின்று கொண்டிருக்கிறது. உறவுமுறை என்பது அனைவரிடமிருந்தும் வாய்ப்புகளைப் பறிப்பதாகும். இவற்றிலிருந்து இந்தியாவை விடுவிக்க உறுதிமொழி எடுப்போம் என்றார். இறுதியில் பாரத் மாதா கி ஜெய், வந்தே மாதரம் என்ற முழக்கங்களுடன் பிரதமர் நரேந்திர மோடி தனது உரையை நிறைவு செய்தார்.