பெங்களூரு: Monkeypox Apprehension : நாட்டில் குரங்கு அம்மையால் 2 பேர், கர்நாடகத்தின் அண்டை மாநிலமான கேரளாவில் பாதிக்கப்பட்டத்தை அடுத்து, மாநிலத்தில் பதட்டம் அதிகரித்துள்ளது. இரண்டு பாதிப்புகளும் மாநிலத்தின் எல்லைப் பகுதியில் பதிவு செய்யப்பட்டுள்ளதால், கர்நாடக அரசும் சுகாதாரத்துறையும், குரங்கு அம்மை குறித்து மிகவும் கவலையடைந்துள்ளன. அதுமட்டுமின்றி குரங்கு அம்மை பாதிப்பை தீவிரமாக எடுத்துக்கொள்வதற்காக அவசர ஆலோசனைக் கூட்டம் நடத்தப்பட்டது.
குரங்கு அம்மை பாதிப்பை தீவிரமாக எடுத்துக் கொண்ட சுகாதாரத் துறை, இதுகுறித்து விவாதிக்க ரகசிய ஆலோசனைக் கூட்டத்தை தொழில்நுட்ப ஆலோசனைக் குழு (technical advisory committee) கூட்டியது. கூட்டத்தில் குரங்கு அம்மை குறித்த பல தீர்மானங்கள் குழுவால் எடுக்கப்பட்டது.
அந்தக், குழுவில் எடுக்கப்பட்ட தீர்மானங்கள் பின்வருமாறு:
குரங்கு அம்மை பாதிப்பிற்கு தனி வழிகாட்டுதல்களை பின்பற்ற வேண்டும்
பொதுமக்கள் காய்ச்சல் மற்றும் சொறி உள்ளவர்களுடன் தொடர்பு கொள்வதை தவிர்க்க வேண்டும்
ஐரோப்பா, ஆப்பிரிக்கா உள்ளிட்ட 50 குரங்கு அம்மையால் பாதிக்கப்பட்ட நாடுகளில் இருந்து வரும் பயணிகள் கண்காணிக்கப்பட (Passengers should be monitored) வேண்டும்.
பெங்களூரு மற்றும் மங்களூரு விமான நிலையங்களில் பயணிகளுக்கு அறிகுறிகள் (காய்ச்சல், அதிக வியர்வை, வீக்கம், தலைவலி, மூட்டு வலி, சளி, தொண்டை புண், தோல் வெடிப்பு) உள்ளதா என பரிசோதிக்கப்பட வேண்டும்.
அறிகுறி தென்படுபவர்களை உடனடியாக ஆரம்ப சுகாதார மையத்தில் அனுமதிக்க வேண்டும்
அறிகுறிகள் உள்ளவர்கள் N95 முககவசத்தை அணிய வேண்டும், PPE கிட் பயன்படுத்த வேண்டும்.
அறிகுறிகள் தென்படுபவர்களை உடனடியாக தனிமைப்படுத்த வேண்டும்
சந்தேகப்படும்படியான நபர்களின் மாதிரிகள் பரிசோதிக்கப்பட வேண்டும்
சந்தேகப்படும்படியான நபர்களை கண்டறிந்து பரிசோதிக்கப்பட வேண்டும்
தீர்மானங்களை தொழில்நுட்ப ஆலோசனைக் குழு உறுப்பினர்கள் எடுத்துள்ளனர்.
தொழில்நுட்ப ஆலோசனைக் குழுவின் இந்தத் தீர்மானங்களை சுகாதாரத் துறையிடம் அளித்து, குரங்கு அம்மை பரவாமல் தடுக்க முன்னெச்சரிக்கை நடவடிக்கைகளை எடுக்க அறிவுறுத்தப்பட்டுள்ளது. குறிப்பாக விமான நிலையத்தை சுற்றியுள்ள பகுதிகளிலும், கேரள எல்லையான மங்களூரு, சாமராஜநகர் பகுதிகளிலும் அதிக அளவில் இருமாநிலத்தைச் சேர்ந்தவர்களும் தொடர்பில் உள்ளனர். கேரளாவில் இதுவரை 2 பேர் குரங்கு அம்மையால் பாதிக்கப்பட்டுள்ளது கண்டறியப்பட்டுள்ளது. கர்நாடகத்தில் இதுவரை குரங்கு அம்மையால் யாரும் பாதிக்கவில்லை.