ராமநகரம்: Woman killed due to inappropriate relationship : கர்நாடக மாநிலம் ராமநகரம் மாவட்டம் சென்னப்பட்டினத்தில் ஜூலை 15ம் தேதி நடந்த கொலை வழக்கை போலீசார் கண்டுபிடித்துள்ளனர். ஜூலை 15ஆம் தேதி, மகாதேஷ்வர் நகரில் உள்ள ஒரு வீட்டில் பெண் ஒருவர் படுகொலை செய்யப்பட்டார். அந்த பெண் தனது சொந்த வீட்டின் படுக்கையறையில் இறந்து கிடந்தார். கொலையாளி வீட்டில் ஒரு துப்பைக் கூட விடாததால், இந்த கொலை வழக்கை கண்டுபிடிப்பதில் போலீசாருக்கு மிகவும் சவாலாக இருந்தது.
அந்த பெண் தனது வீட்டின் படுக்கையறையில் கத்தியால் குத்தி கொல்லப்பட்டார். இந்த வழக்கின் ஒவ்வொரு இழையையும் அவிழ்த்துவிட்டு, குற்றவாளியை கைது செய்வதில் போலீசார் வெற்றி பெற்றுள்ளனர். ராமநகர மாவட்ட காவல் கண்காணிப்பாளர் சந்தோஷ்பாபு (District Superintendent of Police Santosh Babu) தலைமையில் டி.எஸ்.பி ஓம்பிரகாஷ், ரூரல் சர்க்கிள் இன்ஸ்பெக்டர் டி.பி.சிவக்குமார் மற்றும் தனிப்படை அமைத்து விசாரணை நடத்தி குற்றவாளியை கைது செய்தனர்.
விசாரணையில் பெண்ணின் தகாத உறவே கொலைக்கு காரணம் என தெரியவந்தது. உயிரிழந்த பெண், தனது கணவரின் மூத்த சகோதரியின் மகனுடன் தகாத உறவு வைத்திருந்தார். இருவருக்கும் இடையே தகாத உறவு வலுத்ததால், இறந்து போன பெண்ணை கணவன் மற்றும் குழந்தைகளை விட்டுவிட்டு தன்னுடன் வாழுமாறு கணவரின் சகோதரியின் மகன் மிரட்டியுள்ளார். ஆனால், இதற்கு அந்த பெண் சம்மதிக்காததால், ஆத்திரமடைந்த இளைஞர், பெண்ணின் கணவர் வேலைக்கு சென்ற பிறகு, பெண்ணின் வீட்டிற்குள் புகுந்து, அவரை கத்தியால் குத்தி கொலை (Stabbing to death) செய்துவிட்டு தப்பியோடி உள்ளார்.
கொலைக்குப் பிறகு, குற்றவாளி அந்தப் பெண்ணின் தங்கச் சங்கிலி மற்றும் செல்லிடப் பேசியை ஏரியில் வீசியுள்ளார். கொலைக்கு பிறகு தான் அணிந்து வந்த துணிகளையும் வேறு இடத்தில் மறைத்து வைத்திருந்தார். பின்னர், தனது மோட்டார் சைக்கிளின் நம்பர் பிளேட்டையும் மாற்றிவிட்டு (After changing the number plate of the motorcycle) சுற்றி வந்ததாக கூறப்படுகிறது. துப்பு எதையும் விட்டு வைக்காத நிலையில், கொலை குற்றவாளியை போலீசார் கைது செய்துள்ளதை பொதுமக்கள் வெகுவாக பாராட்டி வருகின்றனர்.
பள்ளி மாணவிகள் 3 பேரை கடத்திச் சென்று பாலியல் பலாத்காரம்
தில்லி: தில்லியில் பள்ளி மாணவிகள் 3 பேரை கடத்திச் சென்று பாலியல் பலாத்காரம் செய்யப்பட்டுள்ளனர்.
தில்லியில் 3 பள்ளி மாணவிகள் கடத்தப்பட்டு பலாத்காரம் செய்யப்பட்ட சம்பவம் பெரும் பரபரப்பை ஏற்படுத்தி உள்ளது. கைது செய்யப்பட்டவர்களில் 2 பெண்கள் உள்ளனர். 3 பள்ளி மாணவிகள் கடத்தப்பட்டு (3 schoolgirls kidnapped), டி ஹிஸ் ரோகினியில் மயக்க மருந்து கலந்த பானங்கள் கொடுத்து பாலியல் பலாத்காரம் (Rape) செய்யப்பட்டதாக போலீசார் வியாழக்கிழமை தெரிவித்தனர். இவ்விவகாரம் தொடர்பாக இரண்டு பெண்கள் உட்பட 4 பேர் கைது செய்யப்பட்டுள்ளதாக போலீசார் மேலும் தெரிவித்தனர். குற்றம் சாட்டப்பட்டவர்களில் ஒருவர், தங்கள் 3 பேரையும் ஒரு வீட்டிற்கு அழைத்துச் சென்று, அங்கு பிணைக் கைதிகளாக வைத்து பாலியல் பலாத்காரம் செய்ததாக அந்த சிறுமிகள் தெரிவித்தனர். இது குறித்து போலீசார் வழக்கு பதிந்து விசாரணை மேற்கொண்டு வருகின்றனர்.