தமிழ்நாடு: Cuts Umbilical Cord Using Pen : தமிழகத்தின் கடலூர் மாவட்டம் சிதம்பரம் நகரில் உள்ள அரசுப் பள்ளியின் கழிவறை அருகே சிசுவின் சடலம் கண்டெடுக்கப்பட்ட சம்பவம் எங்கும் செய்தியாக இருந்தது. சம்பவம் நடந்து 4 நாட்களுக்குப் பிறகு, அதே பள்ளியில் 11 ஆம் வகுப்பு படிக்கும் மாணவி ஒருவருக்கு இந்தக் குழந்தை பிறந்து பின்னர் அதை முட்புதரில் வீசியது போலீஸ் விசாரணையில் தெரியவந்தது. சிறுமியை காவலில் எடுத்து போலீசார் விசாரணை நடத்தியபோது, 16 வயது சிறுமி, வகுப்பில் இருந்தபோது தனக்கு பிரசவ வலி ஏற்பட்டதை ஒப்புக்கொண்டார்.
உடனடியாக கழிவறைக்குச் சென்ற சிறுமி, குழந்தையைப் பெற்றெடுத்தார். இந்த விவகாரம் தமிழகம் முழுவதும் அதிர்ச்சியை ஏற்படுத்தியது (This matter shocked the entire Tamil Nadu). சிறுமி கர்ப்பமாவதற்கு காரணமான நபரை கண்டுபிடிக்க போலீசார் வலைவீசி உள்ளனர்.
விசாரணையில் சிறுமி சில திடுக்கிடும் தகவல்களை வெளியிட்டார் (During the investigation, the girl disclosed some startling information). பள்ளிக் கழிவறையில் குழந்தையைப் பெற்றெடுத்த அவர், பின்னர் பேனாவால் குழந்தையின் தொப்புள் கொடியை அறுத்துள்ளார். சரியான நேரத்தில் சரியான மருத்துவ உதவி கிடைக்காமல் பிரசவத்தின் போது உதவிக்கு யாரும் இல்லாததால் குழந்தை இறந்துள்ளதாக புவனகிரி போலீசாரின் விசாரணையில் தெரிய வந்துள்ளது. குழந்தையின் தொப்புளை பேனாவால் வெட்டிய பின், குழந்தையை கழிவறை அருகே உள்ள புதரில் வீசிவிட்டு மீண்டும் வகுப்பில் கலந்து கொண்டுள்ளார்.
தான் கர்ப்பமாக இருப்பது பள்ளியிலோ அல்லது வீட்டிலோ யாருக்கும் தெரியாது (No one at school or at home knows) என்று சிறுமி கூறியுள்ளார். இது தொடர்பாக சிறுமி வசிக்கும் பகுதியைச் சேர்ந்த பொது மக்கள் மற்றும் அவரது உறவினர்கள் பலரிடம் போலீசார் விசாரணை நடத்தினர். சிறுமி மருத்துவமனையில் அனுமதிக்கப்பட்டு சிகிச்சை பெற்று வருகிறார்.
தம்பி உறவுமுறை கொண்ட 10-ம் வகுப்பு மாணவர் (10th class student) ஒருவருடன் நெருங்கி பழங்கியபோது குழந்தை உருவாகி உள்ளதாக கூறப்படுகிறது. இதில் இருவரும் 18 வயதிற்கும் குறைவானவர்கள் என்பதால் என்ன செய்வதென்று தெரியாமல் போலீசார் திணறி வருகின்றனர்.