பிரபல நடிகர் நடிகைகள் நடித்துள்ள பொன்னியின் செல்வன் (Ponniyin Selvan) படம் ரிலீசுக்கு தயாராக உள்ளது. தசரா பண்டிகையை முன்னிட்டு செப்டம்பர் 30ஆம் தேதி வெளியாக உள்ள இந்தப் படமும் மற்ற படங்களைப் போலவே தற்போது அச்சுறுத்தலைச் சந்தித்து வருகிறது. படத்தை வெளியிட்டால் தாக்குவோம் என மிரட்டல் விடுக்கப்பட்டுள்ளது.
தமிழ் சினிமாவில் பெரும் எதிர்பார்ப்பை ஏற்படுத்தியுள்ள பொன்னியின் செல்வன் (Ponniyin Selvan) திரைப்படம் செப்டம்பர் 30 ஆம் தேதி உலகம் முழுவதும் வெளியாக உள்ளது. ஆனால் தற்போது படம் வெளியாக இரண்டு நாட்களுக்கு முன்பே படத்திற்கு மிரட்டல் வந்துள்ளது. தமிழ் மட்டுமின்றி கன்னடம், தெலுங்கு, ஹிந்தி ஆகிய மொழிகளிலும் டப் செய்யப்படும் இந்தப் படம், கனடாவில் வெளியிட்டால் தாக்குவோம் என்ற அச்சுறுத்தலை எதிர்கொண்டுள்ளது.
தமிழ் உட்பட பல மொழிகளில் இந்திய திரைப்படங்கள் கனடா உட்பட பல பிராந்தியங்களில் திரையிடப்படுகின்றன. ஆனால் தற்போது பொன்னியின் செல்வன் படத்தை வெளியிடக்கூடாது என லண்டன் ஹாமில்டன் உள்ளிட்ட பல இடங்களில் உள்ள திரையரங்க உரிமையாளர்களுக்கு இந்த மெயில் மூலம் மிரட்டல் விடுக்கப்பட்டுள்ளது. பொன்னியின் செல்வன் சினிமாவை கனடா உட்பட உலகம் முழுவதும் விநியோகிக்கும் பொறுப்பை கேடபிள்யூ டாக்கீஸ் (KW Talkies) பெற்றுள்ளது. ஆனால் தற்போது படம் வெளியான பிறகு தாக்குதல் நடத்தப்படும் என்ற மெயில் வந்துள்ளதை ட்வீட் மூலம் அந்நிறுவனம் உறுதி செய்துள்ளது
கடந்த காலங்களில், பல பிளாக்பஸ்டர் தென்னிந்திய திரைப்படங்கள் கனடாவில் வெளியிடப்பட்டபோது அச்சுறுத்தல்களை எதிர்கொண்டன. துல்கர் சல்மான் நடித்த குருப் படம் திரையிடப்பட்ட பிறகு, கனடாவில் சில திரையரங்குகள் அடித்து நொறுக்கப்பட்டன. பொன்னியின் செல்வனின் ஓடிடி (OTT) உரிமையும் ரூ. 125 கோடிக்கு விற்கப்பட்டுள்ளதாக கூறப்படுகிறது.
ஏ.ஆர்.ரஹ்மான் இசையமைத்துள்ள )Music by AR Rahman) இப்படத்தில் ஐஸ்வர்யா ராய் பச்சன், சியான் விக்ரம், ஜெயம் ரவி, த்ரிஷா, பிரகாஷ் ராஜ் உள்ளிட்ட பிரபல நடிகர், நடிகைகள் பலர் நடித்துள்ளனர். பிரமாண்ட செட், ஆடம்பரமான மேக்கப் உள்ளிட்ட பல சிறப்புகளை உள்ளடக்கிய இப்படத்தின் ட்ரெய்லர் ஏற்கனவே பெரும் எதிர்பார்ப்பை ஏற்படுத்திய நிலையில் படத்தின் ரிலீஸுக்கான கவுன்ட் டவுன் தொடங்கியுள்ளது.