Mysore Dasara : மைசூரு தசரா இந்தியாவில் மிகவும் சிறப்பாக கொண்டாடப்படும் ஆடம்பரமான திருவிழா அல்லது பண்டிகைகளில் ஒன்றாகும். மைசூரு நகரம் தசரா விழாவைக் கொண்டாடும் பாரம்பரியம் நீண்ட காலமாக உள்ளது. தசரா (Dasara) தென்னிந்தியாவில் 10 நாள் திருவிழாவாக கொண்டாடப்படுகிறது. இது விஜயதசமி அல்லது பத்தாம் நாளில் முடிவடைகிறது.
மைசூரு தசரா (Dasara) மிகவும் உற்சாகமாக கொண்டாடப்படுகிறது. இந்த காலகட்டத்தில், மைசூரு முழுவதுமே தீவிரமான மாற்றங்களுக்கு உள்ளாகிறது மற்றும் தெருக்களில் விளக்குகள் மற்றும் மரங்களால் அலங்கரிக்கப்பட்டுள்ளது. இது இந்தியா முழுவதிலுமிருந்து மற்றும் உலகம் முழுவதிலுமிருந்து பெரும் பார்வையாளர்களை ஈர்க்கிறது.
மைசூரு தசரா நிகழாண்டு செப்டம்பர் 26 ஆம் தேதி முதல் அக்டோபர் 5 ஆம் தேதி வரை (From 26th September to 5th October) கொண்டாடப்பட உள்ளது. தசரா முழுவதும் பிரகாசமாக ஒளிரும் மைசூருஅரண்மனை மற்றும் முழு நகரமும் கண்கொள்ளாக் காட்சியாக உள்ளது. கர்நாடக மாநிலத்தின் நடனம், இசை மற்றும் கலாச்சாரத்தை சிறப்பிக்கும் பல்வேறு கலாசார மற்றும் மத நிகழ்ச்சிகள் ஒளிரும் அரண்மனையின் முன் நிகழ்த்தப்படுகின்றன. சாமுண்டி மலையில் உள்ள சாமுண்டேஸ்வரி தேவி கோவிலுக்கு உடையார் அரச தம்பதிகள் மற்றும் அரசு அதிகாரிகள் முன்னிலையில் தசரா கொண்டாட்டங்கள் பூஜையுடன் தொடங்குகின்றன.
மைசூரு அரண்மனை இந்தியாவின் புகழ்பெற்ற கட்டிடக்கலைகளில் ஒன்றாகும் (Mysore Palace is one of the famous architectures of India). தசராவின் போது, மைசூரு அரண்மனை முதல் எட்டு நாட்களில் ( செப். 26 முதல் அக். 4 வரை) இரண்டு மணி நேரம் (இரவு 7 மணி முதல் இரவு 9 மணி வரை) மற்றும் மூன்று மணி நேரம் (மாலை 7 மணி முதல் இரவு 10 மணி வரை) ஒளிரும். விஜயதசமி நாளில் (அக். 5) 97,000 ஒளிரும் மின் விளக்குகள் அதன் கம்பீரத்தையும் அழகையும் கூட்டும். இந்த நாட்களில் ஆயிரக்கணக்கான பார்வையாளர்கள் அரண்மனைக்கு வருவார்கள். இந்த அரண்மனைதான் மைசூரு பிரபலமாவதற்கு காரணமாக உள்ளது.
10 நாட்கள் தசரா திருவிழா (10 days Dasara festival)முழுவதும், கர்நாடக மாநில அரசு சார்பில் இசை, நடனம் மற்றும் நாட்டுப்புற நடன நிகழ்ச்சிகள், மலர் மற்றும் பொம்மை நிகழ்ச்சிகள், மல்யுத்தம் மற்றும் உணவு மற்றும் திரைப்பட விழா ஆகியவற்றை ஏற்பாடு செய்கிறது. யுவ (இளைஞர்) தசரா, தசராவின் போது இளைஞர்களின் ஐகான்களால் நடத்தப்படும் இசை நிகழ்ச்சிகளைக் கொண்டுள்ளது.
தசரா கண்காட்சி (Dasara Fair) மைசூரு தசராவின் போது தொடங்கி சுமார் இரண்டு மாதங்களுக்கு தொடர்கிறது. மைசூரின் கலாசாரம் மற்றும் மகிமையை நன்கு ஆராயவும் புரிந்து கொள்ளவும் இது ஒரு சிறந்த வாய்ப்பாகும். இந்த ஆண்டு கண்காட்சி பிளாஸ்டிக் இல்லாத மண்டலமாக இருக்கும், மேலும் முதியவர்கள் மற்றும் உடல் மாற்று திறனாளிகள் பயன்படுத்த பேட்டரி மூலம் இயக்கப்படும் வாகனங்கள் கிடைக்கும்.
அரச தம்பதியினர் சிலையை வழிபட்ட பிறகு அரண்மனையிலிருந்து ஊர்வலம் (Procession from the palace) தொடங்குகிறது. இந்த ஊர்வலத்தில் நடனக் கலைஞர்கள், இசைக் குழுக்கள், அலங்கரிக்கப்பட்ட ஒட்டகங்கள் மற்றும் குதிரைகள் போன்றவை உள்ளன. இந்த ஊர்வலம் பன்னிமண்டப்பில் முடிவடைகிறது, அங்கு வன்னி மரம் (Prosopis cinerea) வணங்கப்படுகிறது. தசரா விழாக்கள் விஜயதசமி அன்று இரவு பன்னிமண்டப் மைதானத்தில் நடைபெறும் ஜோதி அணிவகுப்புடன் முடிவடைகிறது.
தசராவின் பத்தாம் நாளில், அரச தம்பதியினர் சிலையை வழிபட்ட பிறகு அரண்மனையிலிருந்து யானைகள் ஊர்வலம் (Jambu savari) தொடங்குகிறது. தசரா ஊர்வலத்தின் முக்கிய அம்சம் சாமுண்டீஸ்வரி தேவியின் சிலை ஆகும், இது 750 கிலோ எடையுள்ள தங்கப் பல்லக்கு யானையின் மேல் கொண்டு செல்லப்படும். ஊர்வலத்தில் நடனக் கலைஞர்கள், மாநில காவல்துறையைச் சேர்ந்த இசைக் குழுக்கள், நாட்டுப்புற நடனக் கலைஞர்கள், அலங்கரிக்கப்பட்ட யானைகள், குதிரைகள் மற்றும் ஒட்டகங்கள் கலந்து கொள்கின்றன. ஊர்வலத்தின் ஒருங்கிணைந்த பகுதியாக பல்வேறு மாநில அமைப்புகளால் உருவாக்கப்பட்ட வண்ணமயமான வாகனங்களின் அணிவகுப்பு நடைபெறும்.
தசரா விழாவின் உச்சக்கட்ட நிகழ்ச்சியான பஞ்சின கவயத்து (தீபந்த அணிவகுப்பு) நகரின் புறநகரில் உள்ள பன்னிமண்டப் மைதானத்தில் பிரமாண்டமாக நடைபெறுகிறது. இதில் வெடி வெடிப்பது முக்கிய நிகழ்ச்சியாக இடம்பெறும். இந்திய ராணுவத்தின் ஒரு குழு மோட்டார் சைக்கிள்களின் மேல் நடத்தும் சாகசங்கள் மற்றும் லேசர் ஷோ நிகழ்ச்சியின் (laser show) ஒரு பகுதியாகும்.