மைசூரு: Mysore Dasara Jumbo Savari: உலகப் பிரசித்தி பெற்ற மைசூரு தசரா திருவிழாவின் முக்கிய அம்சமான ஜம்பு சவாரிக்கான கவுன்டவுன் தொடங்கியுள்ளது. மாநில தேவதை சாமுண்டேஸ்வரியை தங்க அம்பாரியில் சுமந்து செல்ல அபிமன்யு உள்ளிட்ட யானை படை தயாராக உள்ளது.
நவராத்திரியின் 10 வது நாளான இன்று, பாரம்பரிய முறைப்படி விஜயதசமி (Vijayadashami) விழா அரண்மனையில் நடைபெறுகிறது. காலை 9.45 மணிக்கு யானைகள், குதிரைகள், ஒட்டகங்கள், பசுக்கள், யானைகள் அரண்மனை வாசலுக்கு வரவழைக்கப்பட்டு. அங்கு வழிபட்டனர். பின்னர் வஜ்ரமுஷ்டி கலகமும் (மல்யுத்தம்), அதைத்தொடர்ந்து யதுவீர் கிருஷ்ணதத்தா சாமராஜ உடையார் விஜய யாத்திரை செய்து பன்னி மரத்திற்கு பூஜை செய்வார். விஜயத் திருவிழா முடிந்ததும், அரண்மனையில் மீண்டும் சாமுண்டேஸ்வரி வழிபட்டு,.விஜயதசமி பாரம்பரியமுறை முடிவடைகிறது.
இன்று பிற்பகல் அரண்மனை பலராம வாசலில் உள்ள நந்திக்கொடிக்கு முதல்வர் பசவராஜ் பொம்மை பூஜை செய்கிறார். தசரா ஊர்வலத்தை இலக்கு யானைபடை தலைவர் அபிமன்யு வழி நடத்துவார். மாலை 5.07 முதல் 5.18 மணி வரை ஜம்புசவாரி ஊர்வலத்தை முதல்வர் பொம்மை மற்றும் முக்கிய பிரமுகர்கள் தங்க அம்பாரியில் உள்ள அம்பாளுக்கு மலர்மாலை அணிவித்து தொடங்கி வைக்கின்றனர்.
2019 இல், அம்பாரியை சுமக்கும் அர்ஜுனா யானை ஓய்வு பெற்றது. இதனால் அபிமன்யுவுக்கு அம்பாரியை (Abhimanyu to carry Ambari)சுமக்கும் வாய்ப்பு கிடைத்தது. அபிமன்யு இப்போது மூன்றாவது முறையாக 750 கிலோ எடையுள்ள அம்பரியானை சுமக்கப் போகிறார். கடந்த இரண்டு ஆண்டுகளாக, கரோனா காரணமாக அரண்மனை வளாகத்தில் மட்டுமே ஜம்போ சவாரி நடத்தப்பட்டது. ஆனால் இம்முறை அபிமன்யு அம்பாரி பண்ணிமண்டபம் வரை செல்லப் போகிறார்.
அபிமன்யாவுடன், பதின்மூன்று யானைகள், குதிரைப்படை, 43 அலங்கார வாகனங்கள் மற்றும் நாட்டுப்புறக் குழுக்கள் இருக்கும். அரண்மனை வளாகத்தில் 50 ஆயிரம் பேர் அமரும் வகையில் ஏற்பாடுகள் செய்யப்பட்டுள்ளன. தங்க அட்டை, விவிஐபி, விஐபி பாஸ் வைத்திருப்பவர்களுக்கு தனி இருக்கை ஏற்பாடுகள் செய்யப்படும். சாமுண்டேஸ்வரி சிலையுடன் 750 கிலோ எடையுள்ள தங்க அம்பாரியை (Golden Ambari weighing 750 kg) சுமந்து செல்லும் ஜம்பு சவாரி மற்றும் கலை கலாசார நிகழ்ச்சிகளை காண லட்சக்கணக்கான மக்கள் காத்திருக்கின்றனர். இரவு 7.30 மணிக்கு பண்ணிமண்டப மைதானத்தில் தீ பந்த சாகர விளையாட்டு நடைபெறுகிறது. இதன்பிறகு தசரா விழாவிற்கு திரை போடப்படும்