NEET 2022: முதுநிலை மாணவர்களுக்கான 2022 ஆண்டிற்கான நீட் நுழைவுத் தேர்வு 6 முதல் 8 வாரங்களுக்கு ஒத்திவைப்பதாக மத்திய சுகாதார அமைச்சகம் அறிவித்துள்ளது.
நீட் 2021 கவுன்சலிங் தேதிகளுடம் தேர்வுத் தேதிகள் மோதுவதால் இந்த நடவடிக்கை மேற்கொள்ளப்பட்டுள்ளது.
அதாவது 2021 ஆம் ஆண்டின் நீட் முதுகலை கவுன்சிலிங்கின் (NEET PG 2021 counselling) தேதிகள் இந்த ஆண்டு தேர்வு தேதியுடன் முரண்படுவதாக மாணவர்கள் ஏற்கனவே புகார் கூறி வந்தனர். இந்நிலையில், இந்த ஆண்டுக்கான தேர்வை ஒத்திவைக்க வேண்டும் என சமூக வலைதளங்களில் மாணவர்கள் பிரச்சாரம் செய்ததுடன், சுகாதார அமைச்சிடம் தொடர்ந்து கோரிக்கை விடுத்தும் வந்துள்ளனர். இது மட்டுமின்றி, உச்ச நீதிமன்றத்திலும் மாணவர்கள் தாக்கல் செய்த மனுவை, பரிசீலிக்க நீதிமன்றம் ஒப்புதல் அளித்தது.
இதையடுத்து, மாணவர்களின் கோரிக்கைகள் நியாயமானவை என கருதி தற்போது 6 முதல் 8 வாரங்களுக்கு தேர்வை ஒத்திவைத்துள்ளதாக சுகாதார அமைச்சு தெரிவித்துள்ளது. 2021 ஆம் ஆண்டுக்கான கவுன்சிலிங் தேதிகளுடன் 2022 ஆம் ஆண்டுக்கான PG நீட் தேர்வு தேதி முரண்படுவதாக அமைச்சு ஒப்புக்கொண்டுள்ளது. மாணவர்களின் நலனை கருத்தில் கொண்டு தேர்வு தேதியை ஒத்திவைத்துள்ளது. ஆனால், தேர்வு நடைபெறும் தேதி இன்னும் அறிவிக்கப்படவில்லை. இது தொடர்பாக விரைவில் தீர்மானம் எடுக்கப்படும் என அமைச்சகம் தெரிவித்துள்ளது.
வெறும் மார்ச் 12 ஆம் தேதி நடைபெற இருந்த முதுநிலை நீட் தேர்வு (NEET PG EXAM 2022) 6 முதல் 8 வாரங்களுக்கு ஒத்தி வைக்கப்படுவதாக மத்திய சுகாதாரத்துறை அமைச்சகம் தெரிவித்துள்ளது. 2021 முதுநிலை நீட் தேர்வுக்கான கவுன்சிலிங் நடைபெற இருப்பதால், 2022 ஆம் ஆண்டுக்கான நீட் தேர்வை ஒத்திவைக்க மத்திய சுகாதார அமைச்சகம் முடிவு செய்துள்ளது. நீட் PG 2022 தேர்வு மார்ச் 12 ஆம் தேதி நடைபெறவிருந்தது என்பதையும், தேர்வை ஒத்திவைக்க மாணவர்கள் நீண்ட காலமாக கோரி வருகின்றனர் என்பது கவனிக்கத்தக்கது.
சமீபத்தில், உச்ச நீதிமன்றம் வெளியிட்ட தீர்ப்பு, அகில இந்திய ஒதுக்கீட்டு இடங்களில் தற்போதுள்ள 27 சதவீத ஓபிசி மற்றும் 10 சதவீத ஈடபிள்யூஎஸ் இடஒதுக்கீடுகளின் அடிப்படையில் நின்று போன நீட் PG 2021 கவுன்சிலிங் செயல்முறையைத் தொடங்க வழி வகுத்தது.
இதையும் படிங்க: kollywood updates : நடிகர் சிவகார்த்திகேயனின் 10 ஆண்டுகால திரைப்பயணம் !
இதையும் படிங்க: எல்ஐசி பங்குகள் விற்பனை விரைவில் தொடங்கும் – நிர்மலா சீதாராமன்