இந்தியாவில் கரோனா தொற்றின் 2 ம் அலை பெரும் பாதிப்பை ஏற்படுத்தியுள்ளது.இதனை தடுக்க மத்திய மற்றும் மாநில அரசுகள் தீவிரமாக செயல்பட்டு வருகின்றன.
இந்நிலையில் 3 ம் அலை தாக்கும் சூழல் வரலாம் என வல்லுநர்கள் தெரிவிக்கின்றனர்.மேலும் தடுப்பூசி போடும் பணிகளும் தீவிர படுத்தப்பட்டு வருகின்றன.
டெல்லியில் கடந்த சில வாரங்களாக கொரோனா பரவல் குறைந்துள்ளது.இதனால் கட்டுப்பாடுகளில் கூடுதல் தளர்வுகள் அறிவிக்கப்பட்டுள்ளன.
முதல்வர் அரவிந்த் கெஜ்ரிவால், கரோனா 3-வது அலையை எதிர்கொள்ள டெல்லி தயாராக உள்ளது என்று கூறியுள்ளார்.மேலும் இரண்டாவது அலையின் உச்சத்தில், ஒரே நாளில் 28,000 வழக்குகள் பதிவாகியுள்ளன.
கரோனா 3-வது அலையை எதிர்கொள்ளும் வகையில் 19,420 டன்கள் ஆக்சிஜன் சேமிப்பு மையங்கள் தயார் செய்யப்பட்டு வருகின்றன.
நிபுணர்களுடனான எங்கள் ஆலோசனையின் அடிப்படையில், மூன்றாவது அலையின் உச்சத்தின் போது, 37,000 வழக்குகள் இருக்கலாம் என்று நாங்கள் கருதுகிறோம். இந்த எண்ணை மனதில் வைத்து, நாங்கள் எங்கள் படுக்கைகள், ஆக்ஸிஜன் திறன் மற்றும் மருந்துகளை அதிகரிப்போம் என்று அவர் கூறினார்.