Cyclinder Price: புத்தாண்டு அதுவுமாக பொதுமக்களுக்கு மகிழ்ச்சியான செய்தி வெளியாகியுள்ளது. வர்த்தகப் பயன்பாட்டுக்கான சிலிண்டர் விலை இன்று ரூ.102.50 குறைக்கப்பட்டுள்ளது. புதிய விலை மாற்றத்தின் படி, 19 கிலோ எடை கொண்ட வர்த்தக பயன்பாட்டுக்கான டெல்லியில் ரூ.1998.50 ஆக உள்ளது. இந்த விலைக் குறைப்பால் உணவகங்கள், டீ கடைகள் வைத்திருப்பவர்கள் நிம்மதியடைந்துள்ளனர்.
சென்ற மாதம், டிசம்பர் 1ஆம் தேதி வர்த்தக பயன்பாட்டுக்கான சிலிண்டர் விலை 100 ரூபாய் குறைக்கப்பட்டது. அப்போது சிலிண்டர் விலை ரூ.2,101 ஆக உயர்ந்தது. 2012-13ஆம் ஆண்டுக்குப் பிறகு சிலிண்டர் விலை சென்ற டிசம்பர் மாதத்தில்தான் இவ்வளவு பெரிய அளவில் உயர்த்தப்பட்டது.
ஒவ்வொரு மாதமும் முதல் தேதியில் சிலிண்டர் விலை மாற்றம் செய்யப்படுவது வழக்கமான ஒன்றுதான். அதன்படி இன்று வர்த்தக பயன்பாட்டுக்கான சிலிண்டர் விலை மட்டும் குறைக்கப்பட்டுள்ளது. எனினும், வீட்டு உபயோகத்துக்கான 14.2 கிலோ எடை கொண்ட சமையல் சிலிண்டர் விலை இன்று எந்த மாற்றமும் செய்யப்படவில்லை. சென்னையில் சமையல் சிலிண்டர் விலை ரூ.915.50 ஆக இருக்கிறது.
அதேபோல, 5 கிலோ மற்றும் 10 கிலோ எடை கொண்ட காம்போசிட் சிலிண்டர்களின் விலையும் இன்று மாற்றம் செய்யப்படவில்லை.
சமையல் சிலிண்டர் விலை!
டெல்லி – ரூ.899.50
மும்பை – ரூ.899.50
பெங்களூரு – ரூ.902.50
கொல்கத்தா – ரூ.926.00
சென்னை – ரூ.915.50
ஹைதராபாத் – ரூ.952.00
திருவனந்தபுரம் – ரூ.909.௦௦
இதையும் படிங்க: Free Electricity: வீடுகளுக்கு 300 யூனிட் மின்சாரம் இலவசம்- அகிலேஷ் யாதவ்