தமிழக சட்டமன்ற தேர்தல் ஏப்ரல் 6ஆம் தேதி நடைபெற உள்ள நிலையில், தேர்தல் பிரச்சாரத்தில் அரசியல் கட்சிகள் தீவிரமாக ஈடுபட்டு வருகின்றன. அந்த வகையில், பாஜக தேசிய தலைவர் ஜே.பி.நட்டாவும், மத்திய உள்துறை அமைச்சர் அமித்ஷாவும் தமிழகத்தில் அடுத்த கட்ட தேர்தல் பிரச்சாரத்தில் ஈடுபட இருக்கின்றனர்.
அதன்படி, இம்மாதம் 7 ஆம் தேதி தமிழகம் வரும் மத்திய அமைச்சர் அமித்ஷா, நாகப்பட்டினத்தில் தேர்தல் பிரச்சார பொதுக்கூட்டத்தில் பேச இருக்கிறார். கடந்த 28 ஆம் தேதி விழுப்புரத்தில் நடந்த தேர்தல் பிரச்சார கூட்டத்தில் கலந்து கொண்டு பேசிய நிலையில் மீண்டும் வர இருக்கிறார் அமித்ஷா.
அதேபோல, பாஜக தேசிய தலைவர் ஜே.பி.நட்டா இம்மாதம் 10ஆம் தேதி தமிழகம் வர இருக்கிறார். அவர், தஞ்சாவூரில் நடைபெற உள்ள கூட்டத்தில் கலந்துகொண்டு தேர்தல் பிரச்சாரத்தில் ஈடுபட உள்ளார்.