அஜித் நடிப்பில் அடுத்து ரிலீஸுக்கு தயாராகிக் கொண்டிருக்கும் படம் ‘வலிமை’. போனி கபூர் தயாரிப்பில் எச்.வினோத் இயக்கத்தில் உருவாகி வரும் ஆக்ஷன் படமான இது ரசிகர்களிடையே பெரும் எதிர்ப்பார்ப்பில் உள்ளது. படத்தின் ஃபர்ஸ்ட் லுக் போஸ்டர் மற்றும் மோஷன் போஸ்டர் சமீபத்தில் வெளியாகி பெரும் வரவேற்பை பெற்றது.
இந்த நிலையில் படத்தின் முதல் சிங்கிளாக ‘நாங்க வேற மாதிரி’ எனும் பாடல் வெளியிடப்பட்டது. அந்த பாடலும் இணையத்தில் வைரலாகி ஹிட்டடித்தது, அதனை தொடர்ந்து ரஷ்யாவில் இறுதிக்கட்ட படப்பிடிப்பை முடித்த படக்குழு போஸ்ட் ப்ரோடக்ஷன் வேலைகளை கவனித்து வருகிறது. இந்த படம் வரும் தீபாவளி அன்று திரைக்கு வரும் என பெரிதும் எதிர்ப்பார்க்கப்பட்டது.
அதே தேதியில் ரஜினியின் அண்ணாத்த படமும் வெளியாவதால் வசூல் ரீதியாக பாதிப்பு ஏற்படும் என கருதி ரிலீஸை டிசம்பருக்கு ஒத்திவைக்க படக்குழு ஆலோசித்து வருவதாக தகவல்கள் தெரிவிக்கின்றன. இதனிடையே படத்தின் டீஸரை அடுத்த வாரம் வெளியிட போனி கபூர் அலோசித்து வருவதாக கூறப்படுகிறது.
இதையும் படிங்க: மீண்டும் அதிகரிக்கும் கொரோனா..!