‘தர்பார்’ படத்திற்கு பிறகு நடிகர் ரஜினி ’சிறுத்தை’ சிவா இயக்கத்தில் ‘அண்ணாத்த’ படத்தில் நடித்து முடித்துள்ளார். நயன்தாரா, கீர்த்தி சுரேஷ், குஷ்பு, மீனா, பிரகாஷ் ராஜ், சூரி, சதீஷ் உள்ளிட்டோர் இந்த படத்தில் நடித்துள்ளனர். இமான் இசையமைத்துள்ளார். தீபாவளியை முன்னிட்டு வரும் நவம்பர் 4-ஆம் தேதி படம் வெளியாகிறது.
இதுவரை படத்தின் மூன்று பாடல்கள் வெளியாகியுள்ளன. கடந்த ஆயுதபூஜையை முன்னிட்டு படத்தின் டீசர் வெளியானது. ’அண்ணாத்த’ டீசர் யூடியூபில் இதுவரை 10 மில்லியன் பார்வைகளைக் கடந்த நிலையில், நாளை மாலை 6 மணிக்கு ட்ரெய்லர் வெளியாகும் என்று படக்குழு அதிகாரபூர்வமாக அறிவித்திருக்கிறது.
இதையும் படிங்க: கூட்டுறவு வங்கியில் போலி நகைகள் மூலம் ரூ.2.51 கோடி மோசடி