பெங்களூரு: (first steel bridge) மாநிலத்தின் முதல் எஃகுப் பாலம் என்றழைக்கப்படும் சிவானந்த் ஸ்டீல் மேம்பாலம், ஏறக்குறைய ஐந்தாண்டுப் பணிக்குப் பிறகு பொதுமக்கள் பயன்பாட்டுக்கு திறக்கப்பட்டுள்ளது. சோதனை நோக்கத்திற்காக சிவானந்த் மேம்பாலத்தில் ஒரு வழி பாதை போக்குவரத்தை பெங்களூரு மாநகராட்சி அனுமதித்துள்ளது மற்றும் போக்குவரத்து நெரிசல் இல்லாமல் இயக்கத்தால் வாகன ஓட்டிகள் மகிழ்ச்சியடைந்துள்ளனர்.
தற்போதைய நிலவரப்படி, சேஷாத்ரிபுரத்தில் இருந்து ரேஸ் கோர்ஸ் (Race course from Seshadripuram) நோக்கி சிவானந்தா எஃகு பாலத்தில் ஒருவழி போக்குவரத்து மட்டுமே அனுமதிக்கப்படுகிறது. ஒருபுறம் இருசக்கர வாகனங்கள் உட்பட அனைத்து வகை வாகனங்களும் செல்ல அனுமதிக்கப்பட்டது. 39 கோடி செலவில் கட்டப்பட்டுள்ள இந்த இரும்பு பாலம் மாநிலத்தின் முதல் இரும்பு பாலம் என்ற பெருமையை பெற்றுள்ளது. 492 மீட்டர் நீளமுள்ள இந்தப் பாலத்தின் கட்டுமானப் பணிகள் 2017ஆம் ஆண்டு தொடங்கப்பட்டன. ஆனால் பல்வேறு காரணங்களால் இந்த பாலம் கட்டுவதில் தாமதம் ஏற்பட்டது. தற்போது, பாலம் கட்டும் பணி முடிந்து, ஐந்து ஆண்டுகளுக்கு பின், சுதந்திர தினத்தன்று, போக்குவரத்து தொடங்கப்பட்டது. ரேம்ப் டவுன் பணி நடப்பதால், ரேஸ் கோர்ஸ் முதல் சேஷாத்திரிபுரம் வரை, 10 நாட்களுக்கு ஒருவழி போக்குவரத்துக்கு ஏற்பாடு செய்யப்பட்டுள்ளது.
பெங்களூரு மாநகராட்சிக்கு உட்பட்ட பகுதிகளில் எஃகு பாலம் கட்டுவது எளிதானது அல்ல. முதலில் நிலம் கையகப்படுத்துவதில் எதிர்ப்பு கிளம்பியது. பின்னர், இந்த பாலம் கட்ட அனுமதி கோரி நீதிமன்றத்தில் வழக்கு தொடரப்பட்டது. இறுதியாக,பெங்களூரு மாநகராட்சிக்கு உச்சநீதிமன்றத்தின் கிளீன் சிட் கிடைத்தது. இதனையடுத்து பாலம் கட்டி முடிக்கப்பட்டு, பயன்பாட்டுக்கு திறக்கப்பட்டது. இத்திட்டத்தை 19 கோடி ரூபாய் செலவில் 9 மாதங்களில் கட்ட (19 crores to be built in 9 months) பெங்களூரு மாநகராட்சி திட்டம் தயாரித்திருந்தது. ஆனால் தற்போது பாலம் கட்ட பெங்களூரு மாநகராட்சி 39 கோடி ரூபாய் செலவிட்டுள்ளது.
இந்த பாலம் பயன்பாட்டுக்கு திறக்கப்பட்டால், ரேஸ்கோர்ஸ் சர்க்கிள், விதான சவுதா, மல்லேஸ்வரம் (Racecourse Circle, Vidhan Souda, Malleswaram) உள்ளிட்ட பல பகுதிகளுக்கு போக்குவரத்து நெரிசலின்றி மக்கள் செல்ல உதவும். பாலம் முழுமையாக செயல்பட்ட பிறகு, பாலத்தின் கீழ் உள்ள சர்வீஸ் சாலைகளை சீரமைக்க பெங்களூரு மாநகராட்சி முடிவு செய்துள்ளது. மொத்தத்தில் பெங்களூரு மக்கள் தொடர் போராட்டத்துக்குப் பிறகு எஃகு பாலம் பயன்பட்டிற்கு வந்துள்ளது. இதனால் வாகன ஓட்டிகள் மகிழ்ச்சி அடைந்துள்ளனர்.