மைசூரு: (Dasara Festival 2022) கரோனா நெருக்கடி காரணமாக கடந்த இரண்டு ஆண்டுகளாக உலகப் புகழ்பெற்ற மைசூரு தசரா எளிமையாக கொண்டாடப்பட்டது. ஆனால் இந்த முறை தசரா கோலாகலமாக கொண்டாடப்படுகிறது. மைசூரு தசராவின் முக்கிய ஈர்ப்பு அலங்கார அணிவகுப்பு வாகனங்கள் ஆகும். அங்கு ஒவ்வொரு மாவட்டத்தின் சிறப்புகளும் புகைப்படம் ஓவியம் மூலம் காட்சிப்படுத்தப்படுகின்றன. இம்முறை தசரா விழாவில் அலங்கார வாகனங்கள் அணிவகுப்பில் கலந்து கொள்ள உள்ளன. ஒரு வாகனத்தில் நடிகர் புனித் ராஜ்குமாரின் 46 ஸ்டில் படங்கள் காண்பிக்கப்படவுள்ளன. அதில் சாம்ராஜநகர் சார்பாக வரும் வாகனத்தில் புனித்ராஜ்குமார் முகத்தின் ஸ்டில் படம் முக்கிய ஈர்ப்பாக இருக்கும்.
(Dasara Festival 2022) நூற்றுக்கணக்கான கலைஞர்கள் ஏற்கனவே வாகனங்களை தயாரிப்படுத்துவதில் தங்களை ஈடுபடுத்திக்கொண்டுள்ளனர். ஏற்கனவே 80 சதவீத பணிகள் முடிந்துள்ளன. மாநில அரசின் திட்டங்களை மக்களிடம் கொண்டு சேர்க்கும் நோக்கில், அலங்கார வாகனங்கள் மூலம் விழிப்புணர்வு ஏற்படுத்த மத்திய, மாநில அரசுகள் செயல்பட்டு வருகின்றன. ஒவ்வொரு மாவட்டத்தின் வரலாற்று, இயற்கை, புவியியல் மற்றும் கலாச்சார அம்சங்களை உள்ளடக்கிய அலங்காரம், புகைப்படம், சிலை ஆகியவற்றிற்கு முன்னுரிமை அளிக்கப்படுகிறது.
மைசூரு பல்கலைக்கழகம், செஸ்காம், சமூக நலத்துறை, சுற்றுலாத் துறை, கௌசல்யா கர்நாடகா, கே.எம்.எப், காவேரி நீர்பாசனம், 75 வது சுதந்திர தினம் ஆகியவற்றுடன் ஒவ்வொரு மாவட்டத்தின் அலங்கார வாகனங்கள் மூலம் துறைகளின் சாதனைகள் (Achievements of Departments through decorative vehicles) அக்டோபர் 5-ம் தேதி மக்கள் முன் காட்டப்படும்.
ஒவ்வொரு முறையும் ஜம்பூ சவாரியில் (Jumbo savari) நடைபெறும் போது நடைபெறும் அணிவகுப்பில் அலங்கார வாகனங்கள் பங்கேற்கும் குழுவினருக்கு மைசூரு மாவட்ட பஞ்சாயத்தால் சிறந்த அலங்கார வாகனங்களுக்கான பரிசு வழங்கப்படுகிறது. இந்த கண்காட்சியில் எந்த வாகனம் பரிசு பெறும் என்பதை பொறுத்திருந்து தான் பார்க்க வேண்டும்.