பெங்களுரு : Maneka gandhi against prajwal revanna : வீரபுர கிராமத்தில் யானையை மின்சாரம் தாக்கி கொன்றது மட்டுமின்றி, அதன் தந்தங்களை விற்பனை செய்த வழக்கில் எம்பி பிரஜ்வல் ரேவண்ணா புதிய சிக்கலை எதிர்கொண்டுள்ளார். இந்த வழக்கில் குற்றம் சாட்டப்பட்டவர்களை பாதுகாக்க வனத்துறை அதிகாரிகளுக்கு எம்பி பிரஜ்வல் ரேவண்ணா அழுத்தம் கொடுப்பதாக எம்பியும், விலங்குகள் உரிமை ஆர்வலருமான மேனகா காந்தி முதல்வர் பசவராஜ் பொம்மைக்கு கடிதம் எழுதியுள்ளார்.
ஹாசன் மாவட்டம் வீராபூர் கிராமத்தில் சந்திரகவுடா மற்றும் தம்மையா ஆகியோர் தங்கள் பண்ணைக்குள் நுழைந்து, பயிர்களை நாசம் செய்த யானையை, அவர்கள் மின்சாரத்தை பாய்ச்சிக் கொன்றனர். இதுமட்டுமின்றி யானை இறந்த பிறகு அதன் தந்தங்களை பெங்களூரில் விற்க முயன்றனர் (They tried to sell the tusks in Bangalore). மார்ச் 19-ஆம் தேதியன்று, யானை தந்தங்களை சட்டவிரோதமாக விற்க முயன்றபோது, குற்றம் சாட்டப்பட்டவர்கள் போலீஸாரால் பிடிபட்டனர். பின்னர் அவர்களிடம் நடத்திய விசாரணையில் யானையை கொன்றதை ஒப்புக்கொண்டார்.
இதையடுத்து இந்த வழக்கு ஹாசன் மாவட்ட வனத்துறை அதிகாரிகளிடம் ஒப்படைக்கப்பட்டது. இது குறித்த புகாரின் பேரில் வனத்துறையினர் வழக்குப்பதிவு செய்து விசாரணை நடத்தி வருகின்றனர். ஆனால், சட்டத்தின் கைகளில் இருந்து குற்றம் சாட்டப்பட்டவர்களை பாதுகாப்பதற்காக, வனத்துறை அதிகாரிகள் (Forest Officers) மீது தனது செல்வாக்கை பயன்படுத்தியதாக எம்பி பிரஜ்வல் ரேவண்ணா மீது குற்றச்சாட்டு எழுந்துள்ளது.
இந்த வழக்கை சி.கே.அச்சக்கட்டு காவல்நிலையத்திற்கு மாற்றுமாறு எம்.பி பிரஜ்வல் ரேவண்ணா வலியுறுத்தினார் என்று கூறப்படுகிறது. குற்றம் சாட்டப்பட்டவர்களை பாதுகாக்க வனத்துறை அதிகாரிகளுக்கு பிரஜ்வல் ரேவண்ண அழுத்தம் கொடுத்ததாக, முதல்வர் பசவராஜ் பொம்மைக்கு (Chief Minister Basavaraj Bommai), மேனகா காந்தி புகார் கடிதம் எழுதியுள்ளார்.
குற்றம் சாட்டப்பட்டவர்களை பாதுகாக்கவே இந்த வழக்கு வேண்டுமென்றே மாற்றப்பட்டது. மேலும், உள்ளூர் வனத்துறை அதிகாரிகளுக்கு பிரஜ்வல் ரேவண்ணா லஞ்சம் கொடுத்துள்ளார். குற்றம் சாட்டப்பட்டவர்கள் தான் சார்ந்துள்ள கட்சியின் ஆதரவாளர்கள் (Supporters of his party ) என்றும், அதனால்தான் இந்த வழக்கில் எம்பி பிரஜ்வல் ரேவண்ணா கண்ணை மூடிக்கொண்டு உதவி செய்துள்ளார் என்றும் மேனகா காந்தி கடிதத்தில் குறிப்பிட்டுள்ளார்.
இது ஒரு அரிதான வழக்கு, மாநிலத்தின் எம்பி மீது புகார் தெரிவித்து, முதல்வருக்கு கடிதம் எழுதியுள்ளதால், இந்த வழக்கில், முதல்வர் பசவராஜ் பொம்மை என்ன மாதிரியான நடவடிக்கை எடுக்க போகிறார் என்ற ஆர்வம் அதிகரித்துள்ளது.