பெங்களூரு : Joint press conference regarding publication of voter list : பெங்களூரு மாநகராட்சிக்கு 243 வார்டு வாரியாக வரைவு வாக்காளர் பட்டியலை வெளியிடுவது தொடர்பாக மாநில தேர்தல் ஆணையர் பசவராஜு மற்றும் பெங்களூரு மாநகராட்சி தலைமை ஆணையர் துஷார் கிரிநாத் ஆகியோர் தலைமையில் இன்று பெங்களூரில் கூட்டாக செய்தியாளர் சந்திப்பு நடைபெற்றது.
அரசு அறிவிப்பு எண்: NA 66 BBS 2022, பெங்களூரு, தேதி: 14.07.2022 பெங்களூரு மாநகராட்சி தேர்தல்-2022 தொடர்பாக, பெங்களூரு மாநகராட்சி (BBMP) இன் கீழ் உள்ள 243 வார்டுகள் மறுபகிர்வு செய்யப்பட்டு, ஒவ்வொரு வார்டுகளின் எல்லைகளும் கண்டறியப்பட்டு இறுதிப் பட்டியல் வெளியிடப்பட்டுள்ளது. மாநில தேர்தல் கமிஷன் சுற்றறிக்கை எண்: 149 EUB 2022, தேதி: 15.07.2022 வார்டு வாரியாக வாக்காளர் பட்டியல் தயாரிப்பதற்கான அறிவிப்பு மற்றும் அட்டவணை வெளிடப்பட்டது.
அதன்படி, மாநகராட்சியின் வார்டு வாரியான வாக்காளர் பட்டியல் (Electoral Roll) 31.07.2022 வரை வாக்காளர் வாரியான தகவல்களை மறு பகிர்வு செய்து தயாரிக்கப்படும். இதில் மாநகராட்சியின் 243 வார்டுகளில் மொத்தம் 79,08,394 வாக்காளர்கள் உள்ளனர். இதில் 4109496 ஆண்கள், 3797497 பெண்கள், 1401 இதர வாக்காளர்கள்.
25.08.2022 தேதியிட்ட மாநில தேர்தல் ஆணையத்தின் உத்தரவின்படி, பெங்களூரு மாநகராட்சி வார்டு வாரியாக வாக்காளர் பட்டியலின் வரைவு நகல் மண்டல இணை ஆணையர் அலுவலகம், வாக்காளர் பதிவாளர்/உதவி வாக்காளர் பதிவாளர் மற்றும் வார்டு அலுவலகங்கள் மற்றும் www.bbmp.gov.in என்ற இணையதளத்தில் வெளியிடப்படும்.
பொதுமக்கள்/வாக்காளர்கள் தங்கள் மற்றும் குடும்பத் தகவல்களை வாக்காளர் பட்டியலில் சரிபார்த்து, வாக்காளர் பட்டியல் தொடர்பான உரிமை கோரல்கள் மற்றும் ஆட்சேபனைகளை தேதி: 25.08.2022 முதல் 02.09.2022 வரை வாக்காளர் பதிவாளர் அலுவலகங்களில் தெரிவிக்கலாம்.
புதிய வாக்காளராக பதிவு செய்ய, மொபைல் ஆப், வாக்காளர் ஹெல்ப்லைன் ஆப் மற்றும் என்விஎஸ்பி போர்ட்டல் (NVSP Portal) இணையதளத்தின் மூலம் சட்டசபை தொகுதி வாரியாக விண்ணப்பம் சமர்ப்பிக்கப்பட்டிருந்தால், வார்டு வாரியாக வாக்காளர் பட்டியல் தயாரிக்க நடவடிக்கை எடுக்கப்படும்.
நிகழ்ச்சியில் பெங்களூரு நகர மாவட்ட ஆட்சியர் ஸ்ரீனிவாஸ் (Collector Srinivas), நிர்வாகத் துறை சிறப்பு ஆணையர் மற்றும் கூடுதல் மாவட்ட தேர்தல் அதிகாரி (மத்திய) ரங்கப்பா, சிறப்பு ஆணையர் டாக்டர். ஹரிஷ்குமார், மாநில தேர்தல் ஆணைய செயலாளர் ஹொன்னம்மா மற்றும் அதிகாரிகள் கலந்து கொண்டனர்.