பெங்களூரு: (T20 World Cup Team India) ஆஸ்திரேலியாவில் அக்டோபர் மற்றும் நவம்பர் மாதங்களில் நடைபெறும் ஐசிசி டி20 உலகக் கோப்பை போட்டிக்கான இந்திய அணி தேர்வு செப்டம்பர் 15 ஆம் தேதி நடைபெறும் எனத் தெரிகிறது.
டி20 உலகக் கோப்பைக்கான அணியைத் தேர்வு செய்ய செப்டம்பர் 16 கடைசி நாள் என்பதால், காலக்கெடுவுக்கு ஒரு நாள் முன்னதாகவே இந்திய அணித் தேர்வு நடைபெற வாய்ப்புகள் உள்ளன. உலகக் கோப்பைக்கான இந்திய அணியைத் தேர்வு செய்ய இந்திய கிரிக்கெட் கட்டுப்பாட்டு வாரிய (BCCI) தேர்வுக் குழு உறுப்பினர்கள் மும்பையில் கூடுகிறார்கள். ஆசிய கோப்பை போட்டியில் வீரர்களின் செயல்பாடுகளின் அடிப்படையில் அணி தேர்வு நடைபெறும்.
ஆசிய கோப்பை போட்டி (Asia Cup Tournament) ஐக்கிய அரபு எமிரேட்ஸில் ஆகஸ்ட் 27 முதல் செப்டம்பர் 11 வரை நடைபெற உள்ளது, மேலும் இந்தியா தனது முதல் ஆட்டத்தில் பரம எதிரியான பாகிஸ்தானை செப்டம்பர் 28 அன்று துபாயில் எதிர்கொள்கிறது. ஐசிசி டி20 உலகக் கோப்பை போட்டியில் பாகிஸ்தானுக்கு எதிரான ஆட்டத்தில் இந்தியா தனது ஆட்டத்தை ஆட உள்ளது. இந்த ஹை ஹோட்டேஜ் போட்டி அக்டோபர் 23 ஆம் தேதி மெல்போர்ன் கிரிக்கெட் மைதானத்தில் நடைபெறவுள்ளது. ரோகித் சர்மா தலைமையிலான இந்தியா, பாகிஸ்தான், தென்னாப்பிரிக்கா, வங்கதேசம் மற்றும் தகுதிச் சுற்றில் வெற்றி பெற்ற அணியுடன் குரூப்-2ல் இடம்பிடித்துள்ளது.
டி20 உலகக் கோப்பைக்கான அணி (Squad for T20 World Cup) விவரங்களைச் சமர்ப்பிக்க செப்டம்பர் 16 ஆம் தேதி கடைசி நாளாகும்.
ஒவ்வொரு அணியிலும் அதிகபட்சமாக 15 வீரர்களை தேர்வு செய்யலாம்.
ஒரு அணியில் 15 வீரர்கள் மற்றும் 8 துணைவீரர்கள் உட்பட மொத்தம் 23 பேர் இருக்கலாம்.
டி20 உலகக் கோப்பை போட்டியில் இந்திய அணி விளையாட வாய்ப்பு:
ரோஹித் சர்மா (கேப்டன்), கேஎல் ராகுல் (துணை கேப்டன்), விராட் கோஹ்லி, சூர்யகுமார் யாதவ், ரிஷப் பந்த் (விக்கெட் கீப்பர்), ஹர்திக் பாண்டியா, ரவீந்திர ஜடேஜா, யுஸ்வேந்திர சாஹல், புவனேஷ்வர் குமார், ஜஸ்பிரித் பும்ரா, அர்ஷதீப் சிங், தீபக் ஹூடா, அக்சர் படேல், தினேஷ் கார்த்திக், தீபக் சாஹர் (Deepak Hooda, Axar Patel, Dinesh Karthik, Deepak Sahar).