மெல்போர்ன்: IND vs PAK Playing XI: இந்த போட்டியில் ஒட்டுமொத்த கிரிக்கெட் உலகமும் பரபரப்பாக இருக்கிறது. அந்த ஒரு போட்டிக்காக கிரிக்கெட் உலகம் காத்திருக்கிறது. அதுதான் இந்தியாவுக்கும் பாகிஸ்தானுக்கும் (இந்தியா Vs பாகிஸ்தான்) இடையிலான டி20 உலகக் கோப்பை போட்டி (டி20 உலகக் கோப்பை 2022). பரம எதிரிகளுக்கு இடையிலான இந்த உயர் மின்னழுத்த போட்டி ஞாயிற்றுக்கிழமை பிற்பகல் 1.30 மணிக்கு மெல்போர்ன் கிரிக்கெட் மைதானத்தில் தொடங்குகிறது. பாகிஸ்தானுக்கு எதிரான போட்டிக்கு தயாராகி வரும் இந்தியா, உலகக் கோப்பையை வெற்றியுடன் தொடங்கும் நம்பிக்கையில் உள்ளது.
பயிற்சி ஆட்டத்தில் உலக சாம்பியனான ஆஸ்திரேலியாவுக்கு (World champions Australia) எதிராக ஏற்கனவே வெற்றி பெற்று தன்னம்பிக்கை பெற்றுள்ள இந்திய அணி, பாகிஸ்தானுக்கு எதிராக வெற்றி பெறும் முனைப்பாக களம் இறங்கவுள்ளது. இதன் மூலம் 2021 டி20 உலக கோப்பை போட்டியில் பாகிஸ்தானுக்கு எதிரான தோல்விக்கு பதிலடி கொடுக்க இந்தியா தயாராக உள்ளது. கடந்த ஆண்டு துபாயில் நடைபெற்ற டி20 உலகக் கோப்பை போட்டியின் தொடக்க ஆட்டத்தில் பாகிஸ்தானுக்கு எதிராக இந்தியா 10 விக்கெட் வித்தியாசத்தில் தோல்வியடைந்தது.
பாகிஸ்தானுக்கு எதிரான போட்டியில் இந்தியா தனது வலிமையான வீரர்களை களமிறக்கவுள்ளது. கேப்டன் ரோகித் சர்மா (Captain Rohit Sharma) மற்றும் துணை கேப்டன் கேஎல் ராகுல் தொடக்க வீரர்களாகவும், முன்னாள் கேப்டன் விராட் கோலி 3-வது இடத்திலும், மிஸ்டர் 360 புகழ் சூர்யகுமார் யாதவ் 4-வது இடத்திலும், ஆல்-ரவுண்டர் ஹர்திக் பாண்டியா 5-வது இடத்திலும், விக்கெட் கீப்பர் தினேஷ் கார்த்திக் 6-வது இடத்திலும் களமிறங்குவார்கள். பந்துவீச்சு பிரிவில், அனுபவம் வாய்ந்த வேகப்பந்து வீச்சாளர்கள் முகமது ஷமி, புவனேஷ்வர் குமார் மற்றும் இளம் நடுத்தர வேகப்பந்து வீச்சாளர் அர்ஷ்தீப் சிங் ஆகியோர் விளையாடும் அணியில் இடம்பிடிப்பது உறுதி. இடது கை சுழற்பந்து வீச்சாளர் அக்ஷர் படேல் சுழல் ஒதுக்கீட்டில் விளையாடுவார், அதே நேரத்தில் மூத்த ஆஃப் ஸ்பின்னர் ரவிச்சந்திரன் அஷ்வின் மற்றும் லெக் ஸ்பின்னர் யுஸ்வேந்திர சாஹல் ஆகியோர் மற்ற இடத்திற்கு போட்டியிடுவார்கள்.
பாகிஸ்தானுக்கு எதிரான போட்டியில் (IND vs PAK Playing XI) இந்தியாவின் சாத்தியமான பிளேயிங் லெவன்.
- ரோகித் சர்மா (கேப்டன்), 2. கே.எல். ராகுல் (துணை), 3. விராட் கோலி, 4. சூர்யகுமார் யாதவ், 5. ஹர்திக் பாண்டியா, 6. தினேஷ் கார்த்திக் (விக்கெட் கீப்பர்) 7. அக்சர் படேல், 8. ஆர். அஷ்வின்/ யுஸ்வேந்திர சாஹல், 9. முகமது ஷமி, 10. புவனேஷ்வர் குமார், 11. அர்ஷதீப் சிங்.
போட்டி ஆரம்பம்: பிற்பகல் 1.30
இடம்: மெல்போர்ன் கிரிக்கெட் மைதானம், மெல்போர்ன்
நேரடி ஒளிபரப்பு: ஸ்டார் ஸ்போர்ட்ஸ் நெட்வொர்க்
நேரடி ஸ்ட்ரீமிங்: டிஸ்னி+ஹாட் ஸ்டார்
இந்தியா – பாகிஸ்தான் போட்டிக்கு மழை அச்சுறுத்தல்
பாரம்பரிய எதிரணியினருக்கு இடையேயான மெகா போட்டிக்கான கவுன்டவுன் தொடங்கியுள்ளதால் போட்டிக்கு மழை அச்சுறுத்தல் ஏற்பட்டுள்ளது. மெல்போர்னில் (Weather forecast in Melbourne) சனிக்கிழமை காலை முதல் தொடர்ந்து ஆறு மணி நேரம் கனமழை பெய்து வருகிறது.
மெல்போர்ன் ( Melbourne), கணிக்க முடியாத வானிலைக்கு பெயர் பெற்ற பகுதி. அங்கு எப்போது மழை பெய்யும் என்று கணிப்பது கடினம். மெல்போர்னில் ஞாயிற்றுக்கிழமை காலை மற்றும் மாலை நேரங்களில் மழை பெய்ய வாய்ப்பு உள்ளதாக வானிலை ஆய்வு மையம் தெரிவித்துள்ளது. போட்டிக்கு முன்னதாக நடைபெற்ற செய்தியாளர் சந்திப்பில் இந்திய அணி கேப்டன் ரோஹித் சர்மாவும் மழை பெய்ய வாய்ப்பு இருப்பதாக தெரிவித்தார். “நான் காலையில் எழுந்தபோது மேகமூட்டமாக இருந்தது. இப்போது சூரியன் பிரகாசிக்கிறது. 40 ஓவர்கள் கொண்ட முழுமையான போட்டியை எதிர்பார்த்து இங்கு வந்துள்ளோம். நாக்பூரில் ஆஸ்திரேலியாவுக்கு எதிரான டி20 போட்டியின் போது மழை பெய்தது. இருப்பினும், நாங்கள் அங்கு 8 ஓவர்கள் விளையாடினோம்” என்று ரோஹித் சர்மா கூறினார்.