பெங்களூரு: Rajeshwari Gayakwad : காமன்வெல்த் விளையாட்டுப் போட்டியில் வெள்ளிப் பதக்கம் வென்ற இந்திய மகளிர் கிரிக்கெட் அணி வீராங்கனை ராஜேஸ்வரி கெய்க்வாட்டுக்கு கர்நாடக அரசு ரூ. 15 லட்சம் பரிசு தொகையை அறிவித்துள்ளது. ரொக்கப் பரிசு அறிவிக்கப்பட்டது. இந்தியாவின் வெள்ளிப் பதக்கம் வென்ற இந்திய வீராங்கனை ராஜேஸ்வரி கெய்க்வாட்டைப் பாராட்டிய இளைஞர் நலம் மற்றும் விளையாட்டுத் துறை அமைச்சர் டாக்டர் நாராயண கவுடா, மாநில அரசின் சார்பில் ரூ. 15 லட்சம் ரொக்கப் பரிசை அறிவித்துள்ளார். வெள்ளிப் பதக்கம் வென்ற இந்திய மகளிர் அணிக்கு மாநில விளையாட்டுத் துறை அமைச்சர் நாராயண கவுடா வாழ்த்து தெரிவித்துள்ளார்.
பர்மிங்காமில் உள்ள எட்ஜ்பாஸ்டன் மைதானத்தில் ஞாயிற்றுக்கிழமை இரவு நடைபெற்ற காமன்வெல்த் விளையாட்டு(Commonwealth Games) டி20 இறுதிப் போட்டியில், ஹர்மன் ப்ரீத் கவுர் தலைமையிலான இந்திய அணி, உலக சாம்பியனான ஆஸ்திரேலியாவுக்கு எதிராக 9 ரன்கள் வித்தியாசத்தில் தோல்வியைத் தழுவியது. முதலில் பேட்டிங் செய்த ஆஸி மகளிர் அணி நிர்ணயிக்கப்பட்ட 20 ஓவர்களில் 8 விக்கெட் இழப்புக்கு 161 ஓட்டங்களைப் பெற்றது.
இலக்கை துரத்திய இந்திய மகளிர் அணி 19.3 ஓவரில் 152 ரன்களுக்கு ஆட்டமிழந்து தோல்வியைத் தழுவியது. கேப்டன் ஹர்மன் ப்ரீத் கவுர் 43 பந்துகளில் 7 பவுண்டரிகள், 2 சிக்சர்களுடன் 65 ரன்கள் விளாசி அணிக்கு வெற்றியை தர முடியாமல் போனது. 16 வது ஓவரில் அணியின் ஸ்கோர் 121 ரன்களாக இருந்த நிலையில், ஹர்மன்-பிரீத் கவுர் அவுட் ஆன போதும் இந்தியாவுக்கு வெற்றி வாய்ப்பு இருந்தது. ஆனால் கீழ் வரிசை வீரர்களின் பொறுப்பற்ற ஆட்டத்தால் இந்தியாவின் கைகளில் இருந்த வெற்றி நழுவியது. இப்போட்டியில் ஆஸ்திரேலியா (Australia) 9 ரன்கள் வித்தியாசத்தில் வெற்றி பெற்று காமன்வெல்த் போட்டியில் தங்கப்பதக்கத்தை வென்றது.
2020 ஆம் ஆண்டு ஐசிசி டி20 உலகக் கோப்பை இறுதிப் போட்டியில், ஆஸ்திரேலியாவுக்கு எதிராக இந்திய பெண்கள் தோல்வியடைந்தனர். 2017 ஆம் ஆண்டு ஐசிசி ஒருநாள் உலகக் கோப்பை இறுதிப் போட்டியிலும் இந்திய அணி இங்கிலாந்திடம் தோற்றது. இதனால் கடந்த 5 ஆண்டுகளில் இந்திய மகளிர் கிரிக்கெட் அணி 3 முக்கிய இறுதிப் போட்டிகளில் தோல்வியை (Defeated in the finals)தழுவி உள்ளது.
ரோஹித் சர்மா (Rohit Sharma) கேப்டன் பதவிக்கு ஆபத்தா?
இந்திய அணியின் முழு நேர கேப்டனாக ரோஹித் சர்மா இருந்து வருகிறார். ரோஹித் சர்மாவின் தலைமையில் இந்திய அணி தொடர்ச்சியாக 8 டி20 தொடர்களை கைப்பற்றியுள்ளது. ஒரு கேப்டனாக ஆரம்பகால வெற்றிகளைப் பெற்ற ரோஹித் ஷர்மாவிற்கு தற்போது கேப்டன் பதவி நீடிக்குமா என்ற சந்தேகம் கிரிக்கெட் ரசிகர்களிடையே ஏற்பட்டுள்ளது. அவருக்கு ஆபத்தாக இருப்பது வேறு யாருமல்ல, இந்திய அணியின் நட்சத்திர ஆல்ரவுண்டர் ஹர்திக் பாண்டியாதான் (All-rounder Hardik Pandya).
மேற்கிந்திய தீவுகளுக்கு (West Indies) எதிரான 5 போட்டிகள் கொண்ட டி20 தொடரின் கடைசி போட்டியில் கேப்டன் ரோகித் சர்மாவுக்கு ஓய்வு அளிக்கப்பட்டதால் இந்திய அணிக்கு ஹர்திக் பாண்டியா தலைமை தாங்கினார். பாண்டியா தலைமையில் இந்திய அணி 88 ரன்கள் வித்தியாசத்தில் வெற்றி பெற்று தொடரை 4-1 என கைப்பற்றியது.
போட்டிக்கு பிறகு பேசிய ஹர்திக் பாண்டியா, தனக்கு வாய்ப்பு கிடைத்தால் இந்திய அணியின் முழுநேர கேப்டன் பதவியை கையாள தயார் என்று கூறியது மிகுந்த ஆர்வத்தை ஏற்படுத்தியுள்ளது. எதிர்காலத்தில் இந்திய அணியின் கேப்டனாக பொறுப்பேற்க விரும்புகிறீர்களா என்ற கேள்விக்கு ஹர்திக், “நிச்சயமாக, ஏன் முடியாது? எனக்கு ஒரு வாய்ப்பு கிடைத்தால் நான் அதை மிகவும் மகிழ்ச்சியுடன் ஏற்றுக்கொள்வேன். ஆனால் தற்போது எங்களின் கவனம் முழுவதும் உலக கோப்பை மீதுதான் உள்ளது, தற்போது அணியின் தலைமைப் பற்றி சிந்திக்கவில்லை என்றார்.
ஹர்திக் பாண்டியா தலைமையிலான குஜராத் டைட்டன்ஸ் அணி நிகழாண்டு ஐபிஎல் போட்டியில் சாம்பியன் ஆனது. கடந்த இங்கிலாந்து (England) சுற்றுப்பயணத்திற்கு முன்பு அயர்லாந்துக்கு எதிரான 2 போட்டிகள் கொண்ட டி20 தொடரில் இந்திய அணிக்கு ஹர்திக் பாண்டியா கேப்டனாக இருந்தார். பாண்டியா தலைமையிலான இந்திய அணி தொடரை 2-0 என கைப்பற்றியது. இந்திய அணியின் துணை கேப்டனாக இருந்த கே.எல்.ராகுல் காயம் காரணமாக பலமுறை அணியில் இருந்து வெளியேறி வருவதால், ஹர்திக் பாண்டியாவை நிரந்தர துணை கேப்டனாக நியமிக்க பிசிசிஐ தயாராக இருப்பதாக கூறப்படுகிறது.
இந்த நிலையில் ரோஹித் சர்மா தலைமையில் ஆசியக் கோப்பைகான இந்திய அணி அறிவிக்கப்பட்டுள்ளது. அணியில் இந்திய அணியில் முன்னாள் கேப்டன் விராட் கோலி, கே.எல். ராகுலுக்கு வாய்ப்பு அளிக்கப்பட்டுள்ளது. ஆசிய கோப்பை கிரிக்கெட் தொடர் ஆக. 27 ஆம் தேதி முதல் செப்டம்பர் 11 ஆம் தேதி வரை ஐக்கிய அரபு அமீரகத்தில் (United Arab Emirates)நடக்கவுள்ளது. இந்தியா, பாகிஸ்தான், ஆஃப்கானிஸ்தான், இலங்கை, வங்கதேசம் ஆகிய அணிகள் இந்தத் தொடரில் விளையாட உள்ளன. தகுதிச்சுற்றில் வெற்றி பெறும் அணி, 6 வது அணியாக ஆசிய கோப்பையில் விளையாட உள்ளது.