மும்பை: இந்திய அணியின் நட்சத்திர ஆல்ரவுண்டர் ரவீந்திர ஜடேஜாவுக்கு முழங்காலில் அறுவை சிகிச்சை செய்யப்பட்டது (Ravindra Jadeja Surgery Success). ஜடேஜாவின் அறுவை சிகிச்சை வெற்றிகரமாக முடிந்தது, இந்த செய்தியை அவரே இன்ஸ்டாகிராம் பதிவின் மூலம் பகிர்ந்துள்ளார். “அறுவை சிகிச்சை வெற்றிகரமாக இருந்தது.இந்திய கிரிக்கெட் வாரியம், டீம் இந்தியா வீரர்கள், துணை ஊழியர்கள், பிசியோ, மருத்துவர்கள் மற்றும் கிரிக்கெட் பிரியர்களுக்கு நன்றி. விரைவில் மறுவாழ்வு முகாமில் கலந்து கொள்ள உள்ளேன். நான் குணமடைய விரும்பிய அனைவருக்கும் நன்றி” என்று ரவீந்திர ஜடேஜா இன்ஸ்டாகிராமில் பதிவிட்டுள்ளார்.
ஆசிய கோப்பை போட்டியில் (Asia Cup 2022) விளையாடும் போது ரவீந்திர ஜடேஜா முழங்காலில் காயம் அடைந்தார். ஹாங்காங் அணிக்கு எதிரான போட்டிக்குப் பிறகு ஜடேஜாவுக்கு முழங்காலில் காயம் ஏற்பட்டது. இதனால் அவர் போட்டியில் இருந்து வெளியேறினார். ஜடேஜாவுக்கு பதிலாக இடது கை சுழற்பந்து வீச்சாளர் அக்ஷர் பட்டேல் இந்திய அணியில் இணைந்தார்.
துபாயில் இருந்து மும்பை திரும்பிய ரவீந்திர ஜடேஜாவுக்கு (Ravindra Jadeja)அறுவை சிகிச்சை செய்யப்பட்டு தற்போது குணமடைந்து வருகிறார். ஆஸ்திரேலியா மற்றும் தென்னாப்பிரிக்காவுக்கு எதிரான வரவிருக்கும் வரையறுக்கப்பட்ட ஓவர்கள் தொடருக்கு ஜடேஜா கிடைக்காமல் இருப்பார், மேலும் அவர் ஐசிசி டி20 உலகக் கோப்பை போட்டிக்கு கிடைக்குமா என்பதுதான் இப்போது பெரிய ஆர்வமாக உள்ளது.
பாகிஸ்தானுக்கு எதிரான ஆசிய கோப்பை சூப்பர்-4 சுற்றுப் போட்டிக்கு (Asia Cup Super-4 round match) முன்னதாக செய்தியாளர் சந்திப்பில் பேசிய இந்திய அணியின் தலைமை பயிற்சியாளர் ராகுல் டிராவிட், “டி20 உலகக் கோப்பை இன்னும் வெகு தொலைவில் உள்ளது. எனவே, ரவீந்திர ஜடேஜா உலகக் கோப்பையில் விளையாட மாட்டார் என்று இப்போது முடிவெடுப்பதில் அர்த்தமில்லை” என்றார்.
பாகிஸ்தானுக்கு எதிரான ஆசிய கோப்பை போட்டியில் 4-வது இடத்தில் பேட் செய்த ஜடேஜா 35 ரன்கள் எடுத்து இந்திய அணியின் வெற்றியில் முக்கிய பங்கு வகித்தார் (He played an important role in the success of the Indian team). 148 ரன்கள் இலக்கை துரத்திய இந்திய அணி 89 ரன்களுக்கு 4 விக்கெட்டுகளை இழந்து சிக்கலில் தவித்தது. இதன்போது ஹர்திக் பாண்டியாவுடன் இணைந்து 5ஆவது விக்கெட்டுக்கு 52 ஓட்டங்களைப் பகிர்ந்த ஜடேஜா இந்தியாவின் வெற்றிக்குக் காரணமாக இருந்தார்.