மும்பை: (Mohammed Shami Covid Positive) வேகப்பந்து வீச்சாளர் முகமது ஷமியின் நிலைமையும், அதிஷ்டமும் மிகவும் மோசமாக உள்ளது. 10 மாதங்களுக்குப் பிறகு இந்திய டி20 அணிக்கு மீண்டும் திரும்பிய முகமது ஷமி, கரோனா பாதிப்பால் மீண்டும் அணியில் இருந்து நீக்கபட்டுள்ளார். இந்தியாவிற்கு வருகை தரும் ஆஸ்திரேலியாவுக்கு எதிரான 3 போட்டிகள் கொண்ட டி20 தொடருக்கு (இந்தியா Vs ஆஸ்திரேலியா டி20) தேர்வு செய்யப்பட்ட முகமது ஷமி, கரோனா சோதனை செய்யப்பட்டு, அவர் அதில் பாதிக்கப்பட்டிருந்ததால், தொடரில் இருந்து விலக்கப்பட்டுள்ளார். அனுபவமிக்க வேகப்பந்து வீச்சாளர் முகமது ஷமிக்கு பதிலாக, மற்றொரு அனுபவமிக்க வேகப்பந்து வீச்சாளர் உமேஷ் யாதவ் (Umesh Yadav) இந்திய அணியில் சேர்க்கப்பட்டுள்ளார்.
கடந்த ஆண்டு துபாயில் நடைபெற்ற ஐசிசி டி20 உலகக் கோப்பை (ICC T20 World Cup) போட்டியில் விளையாடிய முகமது ஷமி இந்திய டி20 அணியில் தனது இடத்தை இழந்தார். ஐபிஎல்-2022 போட்டியில் அவரது அற்புதமான பந்துவீச்சு செயல்திறன் இருந்தபோதிலும், 32 வயதான வலது கை வேகப்பந்து வீச்சாளர் முகமது ஷமி சமீபத்தில் டீம் இந்தியா டி20 அணியில் இடம் பெறத் தவறிவிட்டார். ஆசிய கோப்பை போட்டியில் ஜஸ்பிரித் பும்ரா இல்லாததாலும், முகமது ஷமிக்கு இடம் கொடுக்காததற்காகவும், பிசிசிஐ தேர்வுக் குழுவை முன்னாள் கிரிக்கெட் வீரர் கடுமையாக சாடினார். இதையடுத்து, ஆஸி.க்கு எதிரான டி20 தொடருக்கு முகமது ஷமி தேர்வு செய்யப்பட்டார்.
ஆனால், தொடர் தொடங்க இன்னும் 48 மணிநேரம் உள்ள நிலையில், முகமது ஷமிக்கு கரோனா பாதிப்பு (Mohammed Shami is infected with Corona) ஏற்பட்டுள்ளது. ஆஸ்திரேலியாவுக்கு எதிரான 3 போட்டிகள் கொண்ட டி20 தொடரின் முதல் போட்டி மொஹாலியில் செவ்வாய்க்கிழமை (செப்டம்பர் 20) நடைபெறுகிறது. கங்காருக்களுக்கு எதிரான தொடரில் இருந்து நீக்கப்பட்ட முகமது ஷமி, செப்டம்பர் 28-ம் தேதி தொடங்கும் தென்னாப்பிரிக்காவுக்கு எதிரான 3 போட்டிகள் கொண்ட டி20 தொடரில் விளையாடுவார்.
ஆஸ்திரேலியாவுக்கு எதிரான டி20 தொடருக்கான இந்திய அணி திருத்தப்பட்டது (revised Indian team )
ரோஹித் சர்மா (கேப்டன்), கேஎல் ராகுல் (துணை கேப்டன்), விராட் கோலி, சூர்யகுமார் யாதவ், தீபக் ஹூடா, ரிஷப் பந்த் (விக்கெட் கீப்பர்), தினேஷ் கார்த்திக் (விக்கெட் கீப்பர்), ஹர்திக் பாண்டியா, ஆர். அஷ்வின், யுஸ்வேந்திர சாஹல், அக்சர் படேல், ஜஸ்பிரித் பும்ரா , புவனேஷ்வர் குமார், ஹர்ஷல் படேல், தீபக் சாஹர், உமேஷ் யாதவ்.
இந்தியா Vs ஆஸ்திரேலியா டி20 தொடர் அட்டவணை ((India Vs Australia T20)
செப்டம்பர் 20: முதல் டி20, மொஹாலி
செப்டம்பர் 23: இரண்டாவது டி20, நாக்பூர்
செப்டம்பர் 25: முதல் டி20, ஹைதராபாத்