பெங்களூரு: Mithali Raj to return : பெண்கள் கிரிக்கெட்டில் சர்வதேச அளவில் புகழ்பெற்ற மூத்த கிரிக்கெட் வீராங்கனையான மிதாலி ராஜ், ஒருநாள் கிரிக்கெட்டில் அதிக ரன்கள் எடுத்தவர். அண்மையில் அனைத்து வகையான கிரிக்கெட்டிலிருந்தும் ஓய்வு பெறுவதாக அறிவித்த மிதாலி, தனது ஓய்வு முடிவை திரும்பப் பெறுவார் (withdraw her retirement decision) என எதிர்பார்க்கப்படுகிறது.
அடுத்த ஆண்டு ஆண்களுக்கான ஐபிஎல் போட்டியுடன், மகளிர் ஐபிஎல் போட்டியின் (Women’s IPL) தொடக்க விழாவும் நடைபெறவுள்ளது. மகளிர் ஐபிஎல் முதல் சீசனில் விளையாட ஓய்வைத் திரும்பப் பெற்று மீண்டும் விளையாடுவதை யோசித்து வருவதாக மிதாலி ராஜ் தெரிவித்துள்ளார். இது குறித்து மிதாலி ராஜ் கூறுகையில், “மகளிர்களுக்கான முதல் ஐபிஎல் போட்டியில் விளையாடுவது மிகவும் உற்சாகமாக உள்ளது. மகளிர் ஐபிஎல் போட்டிக்கு இன்னும் சில மாதங்கள் உள்ளன. எனவே எனது ஓய்வை திரும்பப் பெறுவது குறித்து நான் இன்னும் எந்த முடிவும் எடுக்கவில்லை” என்றார்.
மிதாலியின் இந்த அறிக்கை, அவர் ஓய்வில் இருந்து மீண்டும் வந்து கிரிக்கெட் களத்தில் தோன்றுவதற்கான வாய்ப்பு தெரிகிறது. 2023-ஆம் ஆண்டு மகளிர் ஐபிஎல் போட்டியை நடத்த பிசிசிஐ முடிவு செய்துள்ளது. இதில் ஐந்து முதல் ஆறு அணிகள் பங்கேற்கும் என தெரிகிறது. 39 வயதான மிதாலி ராஜ் இரண்டு உலகக் கோப்பை போட்டிகளின் இறுதிப் போட்டிக்கு இந்தியாவை கொண்டு சென்ற பெருமை பெற்றுள்ளார். 1999-ஆம் ஆண்டு சர்வதேச கிரிக்கெட்டில் நுழைந்த மிதாலி ராஜ் (Mithali Raj entered international cricket), பெண்கள் ஒருநாள் கிரிக்கெட்டில் 232 போட்டிகளில் விளையாடி 7 சதங்கள் மற்றும் 64 அரைசதங்களுடன் 50.68 சராசரியுடன் 7,805 ரன்கள் குவித்துள்ளார்.
மகளிர் ஒருநாள் கிரிக்கெட்டில் அதிக ரன் குவித்து உலக சாதனை (World record for most runs in women’s ODI cricket) படைத்துள்ளார் மிதாலி ராஜ். இந்தியாவுக்காக 89 டி20 போட்டிகளில் விளையாடியுள்ள மிதாலி ராஜ், 17 அரைசதங்களுடன் 37.52 சராசரியில் 2,324 ரன்கள் எடுத்துள்ளார். 12 டெஸ்ட் போட்டிகளில் 1 சதத்துடன் 43.68 சராசரியில் 699 ரன்கள் எடுத்துள்ளார்.