கராச்சி: (Asad Rauf died) ஐசிசி எலைட் குழுவின் முன்னாள் நடுவர், பாகிஸ்தானின் அசாத் ரவூப் மாரடைப்பால் காலமானார் (ICC Elite Panel Umpire Asad Rauf)). 66 வயதான அசாத் ரவுஃப் 2006 முதல் 2013 வரை ஐசிசி எலைட் பேனலில் நடுவராக இருந்தார். ஆனால் 2013 ஐபிஎல் மேச் பிக்சிங் வழக்கில், ஆசாத் ரவுஃப் தனது பெயரைக் களங்கப்படுத்திக் கொண்டதால் அவருக்கு தடை விதிக்கப்பட்டது. பாகிஸ்தான் கிரிக்கெட் வாரிய தலைவர் ரமீஸ் ராஜா, முன்னாள் கிரிக்கெட் வீரர் உமர் அக்மல், அசார் மஹ்மூத் ஆகியோர் சுட்டுரை மூலம் ஆசாத் ரவுஃப் மறைவுக்கு ஆழ்ந்த இரங்கலை தெரிவித்துள்ளனர்.
அசாத் ரவூப் 2000 ஆம் ஆண்டு முதல் ஒரு நாள் சர்வதேசப் போட்டியில் நடுவராகச் செயல்பட்டார். 2005 ஆம் ஆண்டு டெஸ்ட் நடுவராக (Test umpire) அறிமுகமான ரவுப், 2006 ஆம் ஆண்டு ஐசிசி எலைட் பேனலுக்குத் தேர்ந்தெடுக்கப்பட்டார்.
அசாத் ரவூப் தனது நடுவர் வாழ்க்கையில் மொத்தம் 64 டெஸ்ட் போட்டிகள், 139 ஒரு நாள் போட்டிகள், 28 டி20 மற்றும் 11 மகளிர் டி20 போட்டிகளில் நடுவராக செயல்பட்டுள்ளார். ஐபிஎல் உட்பட மொத்தம் 89 டி20 போட்டிகளில் (total of 89 T20 matches) நடுவராக இருந்தார். பாகிஸ்தானில் சம்பாதிப்பதற்காக ஆசாத் ரவூப் காலணி மற்றும் துணிகளை விற்று வருகிறார் என்ற செய்தி சில மாதங்களுக்கு முன்பு வைரலானது. பாகிஸ்தானின் முன்னாள் முதல் தர பேட்டிங் வீரராகவும் இருந்த அசாத் ரவுப், மொத்தம் 71 முதல் தர போட்டிகளில் விளையாடி 3,423 ரன்கள் எடுத்துள்ளார். அவர் 40 லிஸ்ட் ஏ போட்டிகளில் 611 ரன்கள் எடுத்துள்ளார்.