லக்கிமாபூர் கெரி: Sisters Found Hanging : இரண்டு மைனர் சகோதரிகளின் உடல்கள் மரத்தில் தூக்கில் தொங்கிய நிலையில் கண்டெடுக்கப்பட்டன. உத்தரபிரதேச மாநிலம் லக்கிம்பூர் கேரி மாவட்டத்தில் இந்த சம்பவம் நடந்துள்ளது. இதன் மூலம், 2014 இல் நாடு முழுவதும் பரபரப்பை ஏற்படுத்திய உத்தரபிரதேசத்தில் நடந்த பதாவுன் கற்பழிப்பு மற்றும் கொலை போன்ற இருண்ட சம்பவத்தை இது நமக்கு நினைவூட்டுகிறது.
புதன்கிழமை மாலை ஒரு மரத்தில் தூக்கில் தொங்கிய நிலையில் (Hanging from a tree) சகோதரியின் சடலம் கண்டெடுக்கப்பட்டது. உயிரிழந்த இருவரும் தலித் சமூகத்தை சேர்ந்தவர்கள். இந்த சம்பவம் வெளிச்சத்திற்கு வந்த சிறிது நேரத்தில் உத்தரபிரதேச மாநிலம் லக்கிம்பூர் கேரி மாவட்டத்தில் பதற்றமான சூழல் நிலவியது.
உயிரிழந்த சிறுமிகளின் தாய் ஊடகங்களுக்குத் தெரிவித்ததாவது, பைக்கில் வந்தவர்கள் தங்கள் குழந்தைகளைக் கடத்திச் சென்றதாகவும், தங்கள் குழந்தைகள் பாலியல் பலாத்காரம் செய்யப்பட்டு கொலை (Raped and murdered) செய்யப்பட்டதாகவும் குடும்பத்தினர் குற்றம் சாட்டியுள்ளனர். தற்போது, இறந்தவர்களின் உடல்கள் பிரேத பரிசோதனைக்காக அனுப்பி வைக்கப்பட்டுள்ளதுடன், சம்பவ இடத்தில் பலத்த போலீஸ் பாதுகாப்பு போடப்பட்டுள்ளது.
தூக்கில் தொங்கிய நிலையில் காணப்பட்ட இளம் பெண்களின் உடலில் காயங்கள் எதுவும் காணப்படவில்லை என்று லக்னோ மண்டல ஐஜிபி லட்சுமி சிங் (IGP Lakshmi Singh) தெரிவித்தார். அதுமட்டுமின்றி, தற்போது பிரேதப் பரிசோதனை நடைபெற்று, குடும்பத்தினர் அளித்த புகாரின் அடிப்படையில் முதல் தகவல் அறிக்கை பதிவு செய்யப்பட்டுள்ளது.
கடந்த ஆண்டு அக்டோபர் மாதம் விவசாயி மீது கார் மோதிய சம்பவம் (car hit a farmer) பரபரப்பாக பேசப்பட்டது. லக்கிம்பூர் கேரியில் மத்திய விவசாயச் சட்டங்களுக்கு எதிராக போராட்டம் நடத்திய விவசாயிகள் மீது மத்திய அமைச்சர் அஜய் குமார் மிஸ்ராவின் மகன் ஆஷிஷ் மிஸ்ரா கார் மோதியது. இந்த சம்பவம் நடைபெற்ற பகுதிக்கு அருகே உள்ள மரத்தில் தூக்கில் தொங்கிய நிலையில் தலித் சகோதரிகளின் உடல்கள் கண்டெடுக்கப்பட்டன.
இந்த சம்பவத்திற்கு சமாஜ்வாதி கட்சியின் தலைவரும், உத்தரபிரதேச முன்னாள் முதல்வருமான அகிலேஷ் யாதவ் (Former Chief Minister Akhilesh Yadav) கண்டனம் தெரிவித்துள்ளார். உத்தரபிரதேச அரசை கடுமையாக விமர்சித்தார். பெண்களின் பாதுகாப்பு குறித்து உத்தரபிரதேச முதல்வர் யோகி ஆதித்யநாத்தை கடுமையாக சாடியுள்ளார். இது தொடர்பாக சமாஜ்வாடி கட்சியின் மாநில பிரிவு சுட்டுரையில் செய்துள்ளதாவது, யோகி அரசில் குண்டர்கள், தாய்மார்கள் மற்றும் சகோதரிகளை தினமும் துன்புறுத்துவது மிகவும் வெட்கக்கேடானது. இது குறித்து சமாஜ்வாடி கட்சி தனது சுட்டுரைப் பக்கத்தில், இந்த விவகாரம் தொடர்பாக அரசு விசாரணை நடத்தி குற்றவாளிகளை கடுமையாக தண்டிக்க வேண்டும் என்று தெரிவித்துள்ளது. அகிலேஷ் யாதவ் இது தொடர்பாக நடைபெற்ற போராட்டங்கள் மற்றும் சிறுமிகள் கடத்தப்பட்டு பின்னர் கொலை செய்யப்பட்ட படங்களை சுட்டுரையில் பதிவிட்டுள்ளார். மேலும், சிறுமிகளின் பிரேத பரிசோதனை பெற்றோரின் அனுமதியின்றி நடத்தப்பட்டதாகவும் அவர் சுட்டுரையில் பதிவிட்டுள்ளார்.
நிகாசன் காவல் நிலையத்தில் (Nikasan Police Station) இரண்டு தலித் சகோதரிகள் கடத்திச் செல்லப்பட்டு கொல்லப்பட்டதை அடுத்து, அவர்களது பிரேதப் பரிசோதனை அவர்களின் அனுமதியின்றி நடத்தப்பட்டதாக காவல்துறை மீது அவர்களது தந்தை கடுமையான குற்றச்சாட்டுகளை முன்வைத்துள்ளார். லக்கிம்பூரில் விவசாயிகளுக்குப் பிறகு, தலித்துகள் கொல்லப்படுவது இப்போது மீண்டும் ஒரு பயங்கரமான நிகழ்வு என்று அகிலேஷ் யாதவ் சுட்டுரையில் பதிவிட்டுள்ளார்.
லக்கிம்பூரில் இரண்டு சகோதரிகள் படுகொலை செய்யப்பட்ட சம்பவம் வேதனை அளிக்கிறது, பட்டப்பகலில் சிறுமிகள் கடத்தப்பட்டதாக உறவினர்கள் கூறுகின்றனர். நாளிதழ்களிலும், தொலைக்காட்சிகளிலும் தொடர்ந்து விளம்பரங்களைத் தினமும் கொடுப்பதால் சட்டம்-ஒழுங்கு சீர்படாது.உ.பி.யில் பெண்களுக்கு எதிரான குற்றங்கள் அதிகரித்து வருவது ஏன் என்று பிரியங்கா காந்தி (Priyanka Gandhi) கேள்வி எழுப்பியுள்ளார்
லக்கிம்பூர் கேரி சம்பவம் 2014ஆம் ஆண்டு உத்தரபிரதேச மாநிலம் படானில் நடந்த சம்பவத்தை நினைவுபடுத்துகிறது. படானிலும் இரண்டு சகோதரிகள் தூக்கில் தொங்கிய நிலையில் சடலமாக கண்டெடுக்கப்பட்டனர். விசாரணையில், இருவரும் பலாத்காரம் செய்து, தூக்கிட்டு கொல்லப்பட்டது தெரியவந்தது. நடந்த இந்த சம்பவம் நாட்டில் பெண்களின் பாதுகாப்பு குறித்து (Regarding the safety of women) உலக அளவில் விவாதத்தை கிளப்பியுள்ளது.