திருவனந்தபுரம்: Protest against not giving chance to Sanju Samson ; உலக சாம்பியனான ஆஸ்திரேலியாவுக்கு எதிரான 3 போட்டிகள் கொண்ட டி20 தொடரை கைப்பற்றிய இந்திய அணி, இந்தியா மற்றும் தென்னாப்பிரிக்கா டி20 தொடருக்காக கேரளாவின் திருவனந்தபுரத்தில் இறங்கியுள்ளது. ஹைதராபாத்தில் இருந்து திருவனந்தபுரம் விமான நிலையத்தில் தரையிறங்கிய இந்திய அணி வீரர்களுக்கு சஞ்சு சாம்சன் (Sanju Samson) கிரிக்கெட் பிரியர்கள் சிறப்பான வரவேற்பு அளித்தனர்.
ஐசிசி டி20 உலகக் கோப்பை அணியில் சஞ்சு சாம்சனுக்கு இடம் அளிக்காததைக் கண்டித்து செப்டம்பர் 28 ஆம் தேதி இந்தியா – தென்னாப்பிரிக்கா மோதும் முதல் டி20 போட்டியின் போது போராட்டம் நடத்தப் போவதாக கேரள கிரிக்கெட் ரசிகர்கள் எச்சரித்துள்ளனர். இந்தியா-தென்னாப்பிரிக்காவுக்கு (India-South Africa) எதிராக 3 போட்டிகள் கொண்ட டி20 ஐ தொடரில் விளையாடுகிறது, இதன் முதல் போட்டி புதன்கிழமை திருவனந்தபுரத்தில் உள்ள கிரீன் ஃபீல்டில் நடைபெறுகிறது. தொடரின் 2-வது ஆட்டம் அக்டோபர் 2-ஆம் தேதி அசாம் மாநிலம் கவுகாத்தியிலும், இறுதிப் போட்டி அக்டோபர் 4-ம் தேதி மத்திய பிரதேச மாநிலம் இந்தூரிலும் நடைபெறுகிறது.
தென்னாப்பிரிக்காவுக்கு எதிரான டி20 தொடர், ஐசிசி டி20 உலகக் கோப்பை போட்டிக்கு இந்தியா தயாராகும் கடைசி வாய்ப்பாகும். ஆசியக் கோப்பை டி20 போட்டியில் பாகிஸ்தான் மற்றும் இலங்கையிடம் தோல்வியடைந்து இறுதிப் போட்டிக்கு வரத் தவறிய ரோஹித் சர்மாவின் அணி, உலக சாம்பியனான ஆஸ்திரேலியாவுக்கு எதிரான 3 போட்டிகள் கொண்ட டி20 தொடரை (இந்தியா Vs ஆஸ்திரேலியா டி20 தொடரை) 2-1 என்ற கணக்கில் கைப்பற்றி நம்பிக்கையை மீட்டுள்ளது. . ஆஸி.க்கு எதிரான தொடரின் முதல் போட்டியில் தோல்வியடைந்த இந்தியா, அடுத்த இரண்டு போட்டிகளிலும் வெற்றி பெற்று தொடரை கைப்பற்றியது. தற்போது, தென்னாப்பிரிக்காவுக்கு எதிரான தொடரை வென்று, உலக கோப்பைக்கு (world cup)தயாராகும் முனைப்பில் இந்திய அணி உள்ளது.
இந்தியா Vs தென்னாப்பிரிக்கா டி20 (T20) தொடர் அட்டவணை
முதல் போட்டி: செப்டம்பர் 28, திருவனந்தபுரம், கேரளா
2 வது போட்டி: அக்டோபர் 02, கவுகாத்தி, அசாம்
3 வது போட்டி: அக்டோபர் 04, இந்தூர், மத்திய பிரதேசம்
போட்டிகள் ஆரம்பம்: இரவு 7 மணி
நேரடி ஒளிபரப்பு: ஸ்டார் ஸ்போர்ட்ஸ் நெட்வொர்க்
லைவ் ஸ்ட்ரீம்: டிஸ்னி+ஹாட் ஸ்டார்.