ஹராரே: (KL Rahul success in captaincy) கே.எல்.ராகுல் சற்று இனிப்பு மற்றும் சற்று கசப்பானவர். பேட்டிங்கில் கசப்பு, தலைமையில் இனிப்பு. ஜிம்பாப்வேக்கு எதிரான 2 வது ஒருநாள் போட்டியில், இந்தியா 5 விக்கெட் வித்தியாசத்தில் அபார வெற்றி பெற்று 3 போட்டிகள் கொண்ட தொடரை இன்னும் ஒரு ஆட்டம் எஞ்சியுள்ள நிலையில் கைப்பற்றியது.
முதல் போட்டியில் இந்தியா 10 விக்கெட் வித்தியாசத்தில் வெற்றி பெற்றதால் கேப்டன் ராகுலுக்கு பேட்டிங் செய்ய வாய்ப்பு கிடைக்கவில்லை. எனவே 2வது போட்டியில் ராகுல் தொடக்க வீரராக களமிறங்கினார். ஆனால் அவர் ஐந்து பந்துகளில் ஒரு ரன்னில் வெளியேறினார். பேட்டிங்கில் தோல்வியடைந்தாலும், ராகுல் தலைமையில் வெற்றி கிடைத்தது. ராகுல் தலைமையிலான இந்திய அணி ஜிம்பாப்வேக்கு எதிரான 3 போட்டிகள் கொண்ட ஒருநாள் தொடரை (India Vs Zimbabwe ODI Series) கைப்பற்றியது.
ஹராரே ஸ்போர்ட்ஸ் கிளப் (Harare Sports Club) மைதானத்தில் சனிக்கிழமை நடைபெற்ற 2-வது ஆட்டத்தில் டாஸ் வென்ற கேப்டன் ராகுல், எதிரணி ஜிம்பாப்வேயை பேட்டிங் செய்ய அழைத்தார்.
ஆனால் இந்தியாவின் ஒருங்கிணைந்த பந்துவீச்சு தாக்குதலுக்கு ஆளான ஜிம்பாப்வே 38.1 ஓவரில் வெறும் 161 ரன்களுக்கு ஆட்டமிழந்தது. காயம் அடைந்த தீபக் சாஹருக்கு பதிலாக நடுத்தர வேகப்பந்து வீச்சாளர் ஷர்துல் தாக்கூர் (Shardul Thakur) 38 ரன்களுடன் 3 விக்கெட்டுகளையும், முகமது சிராஜ், பர்ஹித் கிருஷ்ணா, அக்ஷர் படேல், குல்தீப் யாதவ், தீபக் ஹூடா ஆகியோர் தலா ஒரு விக்கெட்டையும் கைப்பற்றினர்.
162 ரன்கள் எடுத்தால் வெற்றி என்ற எளிய இலக்கை துரத்திய இந்திய அணி 2 வது ஓவரிலேயே கேப்டன் ராகுலை இழந்தது. கடந்த போட்டியில் இன்னிங்சை தொடங்கிய ஷுப்மான் கில் (Shubman Gill), இந்தப் போட்டியில் 3-வது விக்கெட்டதாக 33 ரன்களுக்கு ஆட்டமிழந்தார். இடது கை தொடக்க ஆட்டக்காரர் ஷிகர் தவாணும் 33 ரன்கள் எடுத்து ஒரு விக்கெட்டை விட்டுக் கொடுத்தார்.
மிடில் ஆர்டரில் தீபக் ஹூடா 25 ரன்கள் எடுத்த நிலையில், ஆவேசமாக விளையாடிய விக்கெட் கீப்பர் சஞ்சு சாம்சன் (Sanju Samson) 39 பந்துகளில் 3 பவுண்டரிகள், 4 சிக்சர்களுடன் ஆட்டமிழக்காமல் 43 ரன்கள் எடுத்து 26 வது ஓவரில் 5 விக்கெட் வித்தியாசத்தில் இந்தியாவுக்கு அபார வெற்றியை தேடித் தந்தார். தொடரின் 3 வது மற்றும் கடைசி ஒருநாள் போட்டி ஹராரே ஸ்போர்ட்ஸ் கிளப் மைதானத்தில் திங்கள்கிழமை நடைபெறவுள்ளது, தொடரை இந்தியா முழுமையாக கைப்பற்றும் முனைப்பில் உள்ளது.