Cheteshwar Pujara hits 73 ball Century : ஒரே ஓவரில் 73 பந்துகளில் 22 ரன்கள் எடுத்து சதம் அடித்த இந்திய அணியின் வீரர் சேதேஷ்வர் புஜாரா

பர்மிங்காம்: (Cheteshwar Pujara hits 73 ball Century ) சேதேஷ்வர் புஜாரா டெஸ்ட் ஸ்பெஷலிஸ்டாக கருதப்படுகிறார். 34 வயதான வலது கை பேட்ஸ்மேன் புஜாரா இந்திய டெஸ்ட் அணியின் முக்கிய தூணாக விளங்கி வருகிறார். 2018 ஆம் ஆண்டில், புஜாராவின் பொறுமையான ஆட்டம் ஆஸ்திரேலிய மண்ணில் இந்தியாவின் வரலாற்று டெஸ்ட் தொடரை வெல்ல வழிவகுத்தது.

டெஸ்ட் ஸ்பெஷலிஸ்ட் புஜாரா (Cheteshwar Pujara) 73 பந்துகளில் சதம் அடித்துள்ளார் என்றால் உங்களால் நம்ப முடிகிறதா? நம்ப வேண்டும். இங்கிலாந்தில் நடைபெற்று வரும் ராயல் லண்டன் கோப்பை ஒருநாள் போட்டியில் (ராயல் லண்டன் ஒருநாள் கோப்பை) புஜாரா வார்விக்ஷயர் அணிக்கு எதிராக வெறும் 73 பந்துகளில் சதம் அடித்தார். சசெக்ஸ் அணியை வழிநடத்தி வரும் சேதேஷ்வர் புஜாரா, வலது கை நடுத்தர வேகப்பந்து வீச்சாளர் லியார் நோர்வெல்லின் ஒரே ஓவரில் 22 ரன்கள் எடுத்தார்.

சதம் எடுத்த இன்னிங்ஸில் மொத்தம் 79 பந்துகளை எதிர்கொண்ட புஜாரா 7 பவுண்டரிகள் மற்றும் 2 சிக்ஸர்களின் உதவியுடன் 107 ரன்கள் எடுத்தார். ஆனால் 311 ரன்கள் எடுத்தால் வெற்றி என்ற இலக்கை துரத்திய சசெக்ஸ் அணி, புஜாராவின் சதத்தை மீறி 4 ரன்கள் வித்தியாசத்தில் ஆட்டம் இழந்தது. வார்விக்ஷயர் (Warwickshire) அணிக்காக விளையாடி வரும் மற்றொரு இந்திய வீரர் க்ருணால் பாண்டியா 3 விக்கெட்டுகளை வீழ்த்தி சசெக்ஸ் தோல்விக்கு காரணமாக இருந்தார்.

Cheteshwar Pujara smashed 22 runs in an over – 4,2,4,2,6,4.
pic.twitter.com/HhgGlw7c0z

— Mufaddal Vohra (@mufaddal_vohra) August 12, 2022

இங்கிலாந்தில் கவுன்டி கிரிக்கெட்டில் விளையாடி வரும் சேதேஷ்வர் புஜாரா, ராயல் லண்டன் கோப்பை (Royal London Cup) ஒருநாள் போட்டிக்கு முன்னதாக சசெக்ஸ் அணிக்காக கவுன்டி பிரிவு-2 போட்டியில் ரன் குவித்திருந்தார். இந்த சீசனில் சசெக்ஸ் அணிக்காக 8 போட்டிகளில் மொத்தம் 5 சதங்களுடன் 109.40 சராசரியில் 1094 ரன்கள் எடுத்துள்ளார். இதில் மூன்று அபாரமான இரட்டை சதங்களும் அடங்கும். புஜாரா மிடில்செக்ஸுக்கு எதிராக 231 ரன்களும், டர்ஹாமுக்கு எதிராக 203 ரன்களும், டெர்பிஷயர் அணிக்கு எதிராக ஆட்டமிழக்காமல் 201 ரன்களும் எடுத்தார். நடப்பு கவுன்டி சீசனில் அதிகபட்ச பேட்டிங் சராசரியாக புஜாரா சாதனை படைத்துள்ளார்.

ராயல் லண்டன் கோப்பை போட்டியில் புஜாராவின் அபார சதத்தைப் பார்த்த கிரிக்கெட் பிரியர்கள் சமூக வலைதளங்களில் புஜாராவை டி20 உலகக் கோப்பை இந்திய‌ அணியில் சேர்க்க கோரி வருகின்றனர் (They are demanding to be included in the T20 World Cup Indian team). அண்மைக்காலமாக கவுன்டி போட்டிகளில் புஜாரா தொடர்ந்து சிறப்பாக விளையாடி வருகிறார் என்பது குறிப்பிடத்தக்கது.

.