தில்லி: sonia gandhi tests positive :சோனியா காந்திக்கு நேர்மறை சோதனை: நேஷனல் ஹெரால்டு சட்டவிரோத வழக்கில் தொடர் விசாரணைகளை எதிர்கொண்டுள்ள காங்கிரஸ் இடைக்காலத் தலைவர் சோனியா காந்திக்கு தற்போது மீண்டும் கரோனா தொற்று ஏற்பட்டுள்ளது. இது தொடர்பாக காங்கிரஸ் மூத்த தலைவர் ஜெய்ராம் ரமேஷ் அதிகாரப்பூர்வ தகவலை தெரிவித்துள்ளார். சில மாதங்களுக்கு முன்பு, சோனியா காந்தி கரோனாவால் பாதிக்கப்பட்ட பிறகு அமலாக்க துறையிடம் இருந்து விசாரணைக்கு கால அவகாசம் பெற்றார்.
இது குறித்து காங்கிரஸ் மூத்த தலைவர் ஜெய்ராம் ரமேஷ் (Jairam Ramesh) சுட்டுரையில் பதிவிட்டுள்ளதாவது: காங்கிரஸ் தலைவர் சோனியா காந்திக்கு கரோனா வைரஸ் தொற்று ஏற்பட்டுள்ளது. கடந்த மூன்று மாதங்களில் அவருக்கு கரோனா பாதிப்பு இருப்பது இரண்டாவது முறையாகும். மருத்துவர்கள் ஆலோசனையின்படி தனிமைப்படுத்திக் கொண்டதாக அவர் தெரிவித்துள்ளார். இது தொடர்பாக ராஜஸ்தான் முதல்வர் அசோக் கெலாட்டும் சுட்டுரையில் பதிவிட்டுள்ளதாவது, கரோனா தொற்றிலிருந்து சோனியா காந்தி விரைவில் குணமடைவார் என்று தெரிவித்துள்ளார்.
நேஷனல் ஹெரால்டு (National Herald) முறைகேடு வழக்கில் விசாரணைக்கு வருமாறு சோனியா காந்திக்கு அமலாக்கத்துறை சம்மன் அனுப்பிய சில நாட்களில், சோனியா காந்திக்கு கரோனா தொற்று ஏற்பட்டது. இதனால், விசாரணையில் இருந்து விலக்கு கோரி அமலாக்க துறையிடம் அவர் மேல் முறையீடு செய்தார். கரோனாவில் இருந்து மீண்ட பிறகு, அவர் தனது மகள் பிரியங்கா காந்தியுடன் அமலாக்க துறை அலுவலகத்தில் விசாரணைக்கு வந்தார். கரோனா பாதிப்பில் இருந்து மீண்ட சில மாதங்களிலேயே அவருக்கு மீண்டும் கரோனா தொற்றின் பாதிப்பு ஏற்பட்டுள்ளது.
மக்களவை முன்னாள் சபாநாயகரும், மத்திய அமைச்சருமான மீரா குமாருக்கு (Meera Kumar) கரோனா தொற்று ஏற்பட்டுள்ளது. இது தொடர்பாக மீரா குமார் சுட்டுரை மூலம் தகவல் தெரிவித்துள்ளார். நேற்று இரவு எனக்கு மீண்டும் கரோனா தொற்று இருப்பது உறுதி செய்யப்பட்டது. நான் இப்போது வீட்டில் தனிமைப் படுத்திக் கொண்டேன். கடந்த சில நாட்களாக என்னுடன் தொடர்பில் இருப்பவர்கள், கரோனா பரிசோதனையை செய்து கொண்டு, கரோனா நெறிமுறைகளை உடனடியாகப் பின்பற்றுமாறு கேட்டுக்கொள்கிறேன் என்று அதில் பதிவிட்டுள்ளார்.