மும்பை: Femina Miss India 2022 : ஃபெமினா மிஸ் இந்தியா வேர்ல்ட் என்ற பட்டத்தை கர்நாடகாவின் ஷினி ஷெட்டி வென்று, கர்நாடகத்திற்கு பெருமை சேர்ந்துள்ளார்.
மும்பையில் ஞாயிற்றுக்கிழமை நடைபெற்ற விஎல்சிசி ஃபெமினா மிஸ் இந்தியாவின் இறுதிப்போட்டியில் கர்நாடகாவைச் சேர்ந்த 21 வயதான ஷினி ஷெட்டி “ஃபெமினா மிஸ் இந்தியா வேர்ல்ட் 2022” பட்டத்தை (Femina Miss India 2022) வென்றார். ஃபெமினா மிஸ் இந்தியா 2022 போட்டியில் ராஜஸ்தானை சேர்ந்த ரூபல் ஷெகாவத் முதல் ரன்னர் அப் ஆகவும், உத்தரபிரதேசத்தை சேர்ந்த ஷினாதா சௌஹான் இரண்டாவது ரன்னர் அப் ஆகவும் பட்டத்தை வெற்றனர். 31 மாநிலங்களிலிருந்து தேர்ந்தெடுக்கப்பட்ட வெற்றியாளர்களிடமிருந்து இவர்கள் தேர்ந்தெடுக்கப்பட்டனர். இதற்கான விழா ஞாயிற்றுக்கிழமை ஜியோ வேர்ல்ட் சென்டரில் நடைபெற்றது.
நேஹா தூபியா, டினோ மோரியா, மலைக்கா அரோரா, வடிவமைப்பாளர்கள் ரோஹித் காந்தி மற்றும் ராகுல் கண்ணா, நடன இயக்குனர் ஷியாமக் தாவர் மற்றும் முன்னாள் கிரிக்கெட் வீராங்கனை மிதாலி ராஜ் ஆகியோர் இந்த நிகழ்வில் நடுவர் குழுவில் உறுப்பினர்களாக இருந்தனர்.
ஃபெமினா மிஸ் இந்தியா 2021-ஆம் ஆண்டின் அழகியாக வெற்றி பெற்ற தெலுங்கானாவைச் சேர்ந்த மானசா வாரணாசி, தற்போது அழகிப் பட்டம் வென்ற ஷினி ஷெட்டிக்கு கிரீடம் சூட்டினார். மிஸ் வேர்ல்ட் 2022-ஆம் ஆண்டில் இவர் இந்தியாவைப் பிரதிநிதித்துவப் படுத்துவார்.
முன்னாள் ஃபெமினா மிஸ் இந்தியா யுனிவர்ஸ் நேஹா தூபியா, ஃபெமினா மிஸ் இந்தியாவுக்கான பயணத்தில் “இந்தப் போட்டியில் நான் பெற்ற விலைமதிப்பற்ற அனுபவங்களை மீண்டும் நினைவுபடுத்துகிறது என்றார்.
மேலும் எனது பயணத்தின் ஒவ்வொரு தருணத்தையும் இந்த இளம் அழகிகளுடன் இருந்த நினைவுகளை மீண்டும் நினைவுபடுத்துவது போல உள்ளது. வெளிப்படையாக, தொற்றுநோயைத் தொடர்ந்து பல செயல்முறைகளில் பல்வேறு சவால்கள் உள்ளன. இருப்பினும், இது போன்ற நிகழ்வுகள் உற்சாகமாகவும் பயனுள்ளதாகவும் இருக்கும் என்று தூபியா வெளியிட்டுள்ள ஒரு அறிக்கையில் தெரிவித்துள்ளார்.
விழாவிற்கு நடிகைகள் மலாய்கா, கிருத்தி சனோன் மற்றும் நேஹா ஆகியோர் தங்கள் நாகரீகமான உடையில் சிவப்பு கம்பளத்தில் வந்தனர். மலாய்கா தனது தங்க நிற எம்பிராய்டரி கவுனில் வந்து அனைவரது கவனத்தையும் ஈர்த்தார். பளபளக்கும் கவுனில் அலங்கரிக்கப்பட்டிருந்த சிவப்பு கம்பளத்தில் நேஹா தூபியாவால்அவரை வரவேற்றார்.
மிஸ் இந்தியா வேர்ல்ட் 2022 போட்டியில் ஷினி ஷெட்டி, அவரது காந்தக் கண்கள், உடல் வசீகரம், சகிப்புத்தன்மை மற்றும் அழகு ஆகியவற்றால் அரங்கில் இருந்த அனைவரது இதயங்களை வென்றார். மிஸ் வேர்ல்ட் மேடையில் அவர் நாட்டை பெருமைப்படுத்துவார் என்று தாங்கள் நம்புவதாகவும். “உலகமே – இதோ அவள் வருகிறாள்” என்று ஒரு பதிவில் அழகிப் போட்டி அமைப்பாளர்கள் தெரிவித்துள்ளனர்.
மும்பையில் பிறந்த 21 வயதான ஷெட்டி கணக்கியல் மற்றும் நிதித்துறையில் இளங்கலைப் பட்டம் பெற்றவர். தற்போது, அவர் பட்டய நிதி ஆய்வாளர் (CFA) தொழில்முறை படிப்பைத் தொடர்கிறார். இவர் பரதநாட்டிய நடனக் கலைஞரும் ஆவார்.
ஷெட்டியின் வெற்றி கர்நாடகத்திற்கு மேலும் பெருமை சேர்த்துள்ளது. இவருக்கு முன்பு லாரா தத்தா, சாரா ஜேன் டயஸ், சந்தியா சிப், நஃபிசா ஜோசப், ரேகா ஹண்டே, லைமரைனா டி’சௌசா என பல அழகிகளை நாட்டிற்கு கர்நாடகம் வழங்கி உள்ளது.