தில்லி: Congress To Elect New Chief : நாட்டின் பழமையான கட்சியான காங்கிரஸ், தொடர் தோல்விகள்,தனிச் செல்வாக்கு உள்ள் தலைவர்களின் எதிர்ப்பு, முக்கியத் தலைவர்களின் ராஜினாமா போன்றவற்றால் அதிர்ந்து போன காங்கிரஸ், தற்போது அக்கட்சியின் தலைவர் தேர்தல் குறித்து உறுதி செய்துள்ளது. காங்கிரஸ் கட்சியின் தலைவர் பதவிக்கு அக்டோபர் 17 ஆம் தேதி தேர்தல் நடைபெறுகிறது.
காங்கிரஸ் தலைவர் பதவிக்கு அக்டோபர் 17 ஆம் தேதி (Election for the post of Congress president on October 17) தேர்தல் நடத்தப்பட்டு, அக்டோபர் 19 ஆம் தேதி முடிவுகள் அறிவிக்கப்படும். தலைவர் பதவிக்கு போட்டியிடுவதற்கு யார் வேண்டுமானாலும் வேட்புமனு தாக்கல் செய்யலாம் என தெரிவிக்கப்பட்டுள்ளது. செப்டம்பர் 24 முதல் 30 வரை வேட்புமனு தாக்கல் செய்யலாம். அங்கு, 2000 ஆம் ஆண்டுக்கு பின், சரியாக 21 ஆண்டுகளுக்கு பின், காங்கிரஸ் கட்சியின் தலைவர் பதவிக்கு தேர்தல் நடக்கிறது.
தில்லியில் நடைபெற்ற காங்கிரஸ் செயல் கமிட்டியின் (Congress Working Committee) ஆலோசனைக் கூட்டத்தில் கட்சியின் தலைவர் பதவிக்கான தேர்தலை நடத்துவதற்கான முடிவு அறிவிக்கப்பட்டது. உடல்நலப் பரிசோதனைக்காக வெளிநாடு சென்றுள்ள காங்கிரஸ் தலைவர் சோனியா காந்தி, இந்தக் கூட்டத்தில் காணொலி மூலம் கலந்து கொண்டார்.
1998 ஆம் ஆண்டு முதல் கட்சியின் தலைவராக இருந்து வரும் சோனியா காந்தி (Sonia Gandhi), காங்கிரஸ் கட்சியின் தலைவராக நீண்ட காலம் பதவி வகித்தவர் ஆவார். கடந்த மக்களவைத் தேர்தலின் போது, அவரது கட்சியின் தலைவராக ராகுல் காந்தி தேர்ந்தெடுக்கப்பட்டார். தேர்தல் தோல்விக்கு பிறகு காங்கிரஸ் தலைவர் பதவியை ராகுல் காந்தி ராஜினாமா செய்தார். ராகுல் காந்திக்கு பிறகு சோனியா காந்தி மீண்டும் தலைவராக தொடர்ந்தார். கட்சியின் இடைக்காலத் தலைவராக பொறுப்பேற்ற சோனியா காந்தி, ஜி-23 தலைவர்களின் வெளிப்படையான கிளர்ச்சியைத் தொடர்ந்து, 2020 இல் ராஜினாமா செய்ய முன்வந்தார், ஆனால் காங்கிரஸ் செயல் கமிட்டி உறுப்பினர்கள் சோனியாவைத் தொடர வலியுறுத்தினர்.
தொடர் தோல்விகளுக்குப் பிறகு (After a series of failures), கட்சித் தலைமைக்கு எதிராக சில தலைவர்கள் எதிர்ப்பு தெரிவித்து கட்சியில் இருந்து வெளியேறி வருகின்றனர். கட்சியை வழிநடத்த வலிமையான தலைவர் தேவை என அவர்கள் கோரிக்கை விடுத்துள்ளனர். அத்தகைய தலைவர்களின் குழு ஜி-23 தலைவர்கள் என்று அழைக்கப்பட்டது. ஜி-23 அணியின் தலைவர் குலாம் நபி ஆசாத் வெள்ளிக்கிழமை காங்கிரஸ் கட்சியில் திடீரென ராஜினாமா செய்து கட்சித் தலைவர் சோனியா காந்திக்கு கடிதம் எழுதியுள்ளார். கடிதத்தை அடுத்து காங்கிரஸ் கட்சியில் செயல் கமிட்டி கூட்டம் நடத்தப்பட்டுள்ளது.
ஆசாத் தனது கடிதத்தில், ராகுல் காந்தி (Rahul Gandhi) கட்சியின் முழு ஆலோசனை, கட்சியின் அமைப்பையும் தகர்த்துவிட்டதாக விமர்சித்தார். தேர்தல் அட்டவணைக்கு ஒப்புதல் அளிப்பதைத் தவிர, கட்சியின் மிக உயர்ந்த முடிவெடுக்கும் அமைப்பான காங்கிரஸ் செயல் கமிட்டி உறுப்பினர்கள், சோனியா காந்தி மற்றும் ராகுல் காந்தியின் தலைமை மீது நம்பிக்கை தெரிவித்ததாக பிடிஐ செய்தி வெளியிட்டுள்ளது.