Atmanirbhar Bharat Package: தமிழகத்தில் தற்சார்பு இந்தியா தொகுப்பு சலுகைக்கு 2,16,482 நிறுவனங்கள் பதிவு

புதுடெல்லி: The Union Minister of State said that 2,16,482 companies have registered for Self-reliant India package offer in Tamil Nadu. தமிழகத்தில் தற்சார்பு இந்தியா தொகுப்பு சலுகைக்கு 2,16,482 நிறுவனங்கள் பதிவு செய்துள்ளதாக மத்திய இணையமைச்சர் தெரிவித்துள்ளார்.

இதுகுறித்து மக்களவையில் மத்திய குறு, சிறு, மற்றும் நடுத்தர தொழில் துறை, இணை அமைச்சர் பானு பிரதாப் சிங் வர்மா எழுத்து மூலம் அளித்த பதிலில், குறு, சிறு மற்றும் நடுத்தர தொழில் நிறுவனங்களுக்கு ஆதரவு அளிக்கும் வகையில் தற்சார்பு இந்தியா தொகுப்பு சலுகையின் கீழ் மத்திய அரசு பல்வேறு முன்முயற்சிகளை எடுத்துள்ளது.

அவசரகால கடன் உத்தரவாதத் திட்டத்தின் கீழ், ரூ.5 லட்சம் கோடி பிணை இல்லாத கடன்கள்.
எம்எஸ்எம்இ தன்னிறைவு இந்தியா நிதி மூலம் ரூ.50,000 கோடி பங்கு முதலீடு அளித்தல்.
எம்எஸ்எம்இ-க்களுக்கான புதிய மாற்றியமைக்கப்பட்ட விதிமுறை
ரூ.200 கோடி வரையிலான கொள்முதலுக்கு உலக டெண்டர்கள் கிடையாது
எளிதாக தொழில் நடத்தும் வகையில் எம்எஸ்எம்இ-க்களுக்கான உதயம் பதிவு.

எம்எஸ்எம்இ-க்களை குறைகளுக்கு தீர்வு காணுதல் உள்ளிட்ட பல்வேறு இ நிர்வாக நடவடிக்கைகளுக்காக 2020 ஜூன் மாதம் சாம்பியன்ஸ் தளம் தொடங்கப்பட்டது.

உதயம் தளத்தின் மூலம் இதுவரை 15,07,128 நிறுவனங்கள் பதிவு செய்துள்ளன. இதில் 43,15,759 பெண்கள் பணியாற்றுகின்றனர். தமிழகத்தைப் பொருத்தவரை 2,16,482 நிறுவனங்கள் பதிவு செய்துள்ளன. இதில், 11,13,645 பெண்கள் வேலை செய்கின்றனர்.

புதுச்சேரி யூனியன் பிரதேசத்தில் 1,942 நிறுவனங்கள் பதிவு செய்துள்ளன. அதில் 5,500 பெண்கள் வேலை செய்கின்றனர். இவ்வாறு அவர் தெரிவித்துள்ளார்.

கைத்தறி, கைவினைப் பொருட்கள் மற்றும் வேளாண்மை சார்ந்த உற்பத்தித் துறையில் தொடங்கப்பட்டதில் இருந்து இன்றுவரை உத்யம் போர்ட்டலின்படி பதிவு செய்யப்பட்ட நிறுவனங்களின் மாநில வாரியான மொத்த எண்ணிக்கை மற்றும் பணிபுரியும் பெண்களின் எண்ணிக்கை: