ராஞ்சி: Bus Accident 7 killed : வேகமாக சென்ற பேருந்து ஓட்டுநரின், கட்டுப்பாட்டை இழந்து பாலத்தில் இருந்து கீழே விழுந்தது. இதனால் 7 பேர் உயிரிழந்தனர். இந்த சம்பவத்தில் பலர் பலத்த காயம் அடைந்தனர். ஜார்கண்ட் மாநிலம் ஹசாரிபாக் மாவட்டத்தில் இந்த சம்பவம் நடந்துள்ளது. விபத்து நடந்த போது பேருந்தில் 50க்கும் மேற்பட்ட பயணிகள் இருந்ததாக தெரிகிறது.
கிரிதி மாவட்டத்தில் (Kiriti District) இருந்து ராஞ்சிக்கு சென்று கொண்டிருந்த பேருந்து, சிவன்னே ஆற்றுக்கு அருகே உள்ள தடிஜாரியா காவல் நிலையம் அருகே உள்ள பாலத்தில் இருந்து கீழே விழுந்தது. மூன்று பயணிகள் சம்பவ இடத்திலேயே இறந்தனர் மற்றும் நான்கு பேர் காயமடைந்து ஹசாரிபாக் மருத்துவமனையில் இறந்தனர். உள்ளூர் போலீஸ் அதிகாரிகளின் கூற்றுப்படி, விபத்தில் சிக்கிய பேருந்தில் இருந்தவர்களை மீட்டு உள்ளூர் மருத்துவமனையில் சிகிச்சைக்காக அனுமதிக்கப்பட்டுள்ளனர்.
சிலருக்கு பலத்த காயம் ஏற்பட்டுள்ளதால் பலி எண்ணிக்கை அதிகரிக்கலாம் (The death toll may rise). பலத்த காயமடைந்தவர்கள் ராஜேந்திரா இன்ஸ்டிடியூட் ஆப் மெடிக்கல் சயின்சஸ் (ஆர்ஐஎம்எஸ்)க்கு சிறப்பு சிகிச்சைக்காக அனுப்பி வைத்துள்ளோம் என்றார் அவர்.
Agent who hit a pregnant woman with a tractor : ஜார்கண்ட் மாநிலம் ஹசாரிபாக் மாவட்டத்தில் மற்றொரு கொடூரமான செயல் நடந்துள்ளது. கடன் வசூலின் போது டிராக்டர் மோதியதில் கர்ப்பிணி பெண் உயிரிழந்துள்ளார். நிதி நிறுவன முகவர் மீது வழக்கு பதிவு செய்யப்பட்டுள்ளது. ஒரு ஏழைக் குடும்பம் நிதி நிறுவனத்தில் கடன் வாங்கியது. கடனை வசூலிப்பதற்காக தனியார் நிதி நிறுவனத்தின் மீட்பு முகவர் ஒருவர் விவசாயி வீட்டுக்கு வந்துள்ளார். விவசாயிக்கும், முகவருக்கும் இடையே வாக்குவாதம் ஏற்பட்டது. கோபமடைந்த ஏஜென்ட் டிராக்டரை ஓட்டிச் செல்ல, விவசாயியின் மூன்று மாத கர்ப்பிணி மகள் அதற்கு முன்னால் சென்றுள்ளார். ஆனால் அந்த முகவர் டிராக்டரை அந்த பெண் மீது ஏற்றி உள்ளார்.
இதில் பலத்த காயம் அடைந்த அவர் மருத்துவமனையில் அனுமதிக்கப்பட்டு சிகிச்சை பலனின்றி உயிரிழந்தார். இந்த சம்பவம் தொடர்பாக நிதி நிறுவனத்தின் மீட்பு முகவர், மேலாளர் உள்ளிட்ட 4 பேர் மீது கொலை வழக்கு பதிவு (A case of murder has been registered against 4 people) செய்யப்பட்டுள்ளதாக மாவட்ட காவல் கண்காணிப்பாளர் மனோஜ் ரத்தன் சோத்தே தெரிவித்தார்.