Youth Man Running With Long Sword : உடனடியாக எச்சரிக்கை அடைந்த சுள்யா போலீசார், சுமோட்டோ வழக்கு பதிவு செய்து, இளைஞர் சந்தீப்பை கைது செய்தனர்.
தென் கன்னட மாவட்டம் : Long Sword : தட்சிண கன்னடா மாவட்டத்தின் சுள்யா வட்டம் தற்போது பெரும் அதிர்ச்சியை ஏற்படுத்தும் சூழ்நிலையை எதிர்கொண்டுள்ளது. இந்து சமய ஆர்வலரும், பாஜக மாவட்ட செயற்குழு உறுப்பினருமான பிரவீன் நெட்டாறு கொலை வழக்கை இன்னும் மக்களின் நினைவில் இருந்து மறையவில்லை. இதற்கு முன்பு, பெல்லாரேவைச் சேர்ந்த மசூத் என்பவரும் கொலை செய்யப்பட்டார். இதனால் சுள்யா வட்டம், என்றால் ஒரு முறை சுற்றிப் யோச்சிக்கும் நிலையில் மக்கள் உள்ளனர்.
சுள்யா வட்டத்தின் கனகமஜலு கிராமத்தைச் (Kanakamajalu village) சேர்ந்த சுன்னாமுலே என்ற இடத்தில் ஒரு அதிர்ச்சிகரமான சம்பவம் தற்போது வெளிச்சத்துக்கு வந்துள்ளது. இரண்டு இளைஞர்கள் கொலை செய்யப்பட்டத்தை அடுத்து, சூள்யா வட்டத்தில் தொடர்ந்து பதட்டம் நிலவி வருகிறது. இந்நிலையில் சுன்னாமுலே கிராமத்தில் இளைஞர் ஒருவர் வீச்சறிவாளுடன் ஊர் முழுவதும் சுற்றி திரிந்ததையடுத்து சூள்யா காவல் நிலைய போலீசார் அவரை கைது செய்து, பின்னர் வழக்கு பதிவு செய்தனர்.
விசாரணையில்,வீச்சறிவாள் வைத்திருந்த இளைஞர், சந்தீப் (Youth Sandeep) என தெரியவந்தது. மது போதைக்கு அடிமையான அவர், கடந்த 8 மாதங்களாக மது அருந்துவதை நிறுத்திவிட்டார். இந்த நிலையில் நேற்று மீண்டும் மது அருந்தி உள்ளார். இதனையடுத்து அவருக்கு போதை அதிகரித்துள்ளது. போதை அதிகரித்ததால் வீச்சறிவாளை கையில் பிடித்து ஊர் முழுவதும் சுற்றி திரிந்துள்ளார். அவரது பைத்தியக்காரத்தனத்திற்கு மது போதையே காரணம் என்றும் கூறப்படுகிறது. சந்தீப் வீச்சறிவாளை கையில் பிடித்து ஊர் முழுவதும் சுற்றி திரிந்து காட்சி சமூக வலைதளங்களில் வைரலானதையடுத்து, உடனடியாக உஷாரான சுள்யா போலீசார், சுமோட்டோ வழக்குப் பதிவு செய்து இளைஞர் சந்தீப்பை கைது செய்தனர்.
அவரிடம் நடத்திய விசாரணையில், கனகமஜலு கிராமத்தில் மர்மநபர்களால் கொலை செய்யப்பட்ட பிரவீன் நெட்டாறுக்கு அஞ்சலி செலுத்தும் வகையில் பேனர் வைக்க அனுமதி கிடைக்காததால் ஆத்திரமடைந்து இவ்வாறு செய்ததாக தெரிவித்தார். ஆனால் எங்களிடம் யாரும் பேனர் வைக்க அனுமதி கேட்கவில்லை என கனகமஜலு கிராம பஞ்சாயத்து தலைவர் ஸ்ரீதர குட்யாலா(Village Panchayat President Sridhara Kudyala), ஊராட்சி வளர்ச்சி அலுவலர் சரோஜினி ஆகியோர் விளக்கம் அளித்துள்ளனர். கனகமஜலு கிராமத்தில் துணி பேனர் வைக்க அனுமதி அளித்துள்ளோம் என்றனர்.
அண்மையில் தென்கன்னடம் மாவட்டத்தில் இந்து அமைப்பைச் சேர்ந்தவரும் பாஜக மாவட்ட செயற்குழு உறுப்பினருமான பிரவீன் நெட்டாறு கொலை செய்யப்பட்டார். இந்த கொலை சம்பவம் மாநிலம் முழுவதும் பெரும் பரபரப்பை ஏற்படுத்தியுள்ளது. மேலும் இந்த வழக்கை தேசிய புலனாய்வு முகமையிடம் ஒப்படைப்பதாக மாநில அரசு ஏற்கனவே கூறியுள்ளது. பிரவீன் நெட்டாறுவை (Praveen Nettaru) கேரளாவை சேர்ந்தவர்கள் கொலை செய்திருக்கலாம் என்ற சந்தேகத்தின் பேரில், இந்த கொலை வழக்கை மாநிலங்களுக்கு இடையேயான கொலை வழக்கு என்று நினைத்து என்.ஐ.யிடம் ஒப்படைக்கப்பட்டுள்ளது.
ஆனால் இவை அனைத்திற்கும் மத்தியில் உள்துறை அமைச்சர் அரக ஞானேந்திரா பரபரப்பு தகவலை தெரிவித்துள்ளார். இது குறித்து தனியார் செய்தி சேனலுக்கு பேட்டியளித்த அரக ஞானேந்திரா, பிரவீன் நெட்டாறு (Praveen Nettaru) உள்ளூர் மக்களால் படுகொலை செய்யப்பட்டதாக தெரிவித்துள்ளார். இதனால் கடையில் இருந்து வெளியே வந்த பிரவீனை கேரளாவை சேர்ந்தவர்கள் பதுங்கியிருந்து தாக்கி விட்டு கொலை செய்திருக்கலாம் என்ற சந்தேகத்திற்கு பெரும் திருப்பம் ஏற்பட்டுள்ளது.