குஜராத்: (Gujarat Coast) குஜராத் கடலோர காவல்படை மற்றும் குஜராத் தீவிரவாத தடுப்புப் பிரிவினர் குஜராத் கடற்பகுதியில் அல் சக்ர் என்ற பாகிஸ்தான் கப்பலை பறிமுதல் செய்தனர்.சுமார் ரூ. 350 கோடி மதிப்புள்ள ஹெராயின் பறிமுதல் செய்யப்பட்டு 6 பணியாளர்கள் கைது செய்யப்பட்டனர்.
குஜராத்தின் துறைமுகப் பகுதியில் பாதுகாப்புப் பணியில் c-429 மற்றும் c-454-IMBl (Gujarat Coast) என்ற பெயரிடப்பட்ட கடலோர காவல்படை கப்பல்கள் நியமிக்கப்பட்டன. இந்த நேரத்தில், இந்திய கடல் எல்லையில் பாகிஸ்தான் கப்பல் சந்தேகத்திற்கிடமான வகையில் நகர்ந்து கொண்டிருந்தது. அப்போது, கடலோர காவல்படையினர் விசாரித்ததில், தப்பியோட முயன்றனர். உடனடியாக கப்பலை தடுத்து நிறுத்தி சோதனை நடத்தியதில் போதைப்பொருள் கடத்தியது தெரிய வந்தது.
கப்பலில் நடத்தப்பட்ட சோதனையில் 5 கோணிப் பைகளில் மறைத்து வைக்கப்பட்டிருந்த சுமார் 50 கிலோ போதைப்பொருள் கைப்பற்றப்பட்டது (50 kg of drugs were seized). மேலும், கப்பலில் இருந்த 6 பணியாளர்கள் கைது செய்யப்பட்டுள்ளனர். அடுத்தக் கட்ட விசாரணைக்காக பாகிஸ்தான் கப்பல் ஜகோவுக்கு கொண்டு வரப்பட்டுள்ளது. தவிர, ஆறு பணியாளர்களும் இந்த இடத்தில் நிறுத்தப்பட்டுள்ளனர்.
இதற்கு முன்பும் போதைப் பொருள் கொண்டு சென்ற பாகிஸ்தான் கப்பல் பிடிபட்டுள்ளது. கடந்த முறையும் கடலோரக் காவல்படையும், குஜராத் தீவிரவாத தடுப்புப் படையும் (Coast Guard, Gujarat Anti Terrorism Force) இணைந்து நடவடிக்கை மேற்கொண்டன. இந்த நடவடிக்கையில் பாகிஸ்தான் கப்பலில் இருந்து 40 கிலோ போதைப் பொருள் மீட்கப்பட்டது. தற்போது, மீண்டும் பாகிஸ்தான் கப்பல் கண்டுபிடிக்கப்பட்டதை அடுத்து, விசாரணை தீவிரப்படுத்தப்பட்டுள்ளது.