சத்தீஸ்கர்: Chhattisgarh Nurse Gang Raped: சத்தீஸ்கர் மாநிலம், மகேந்திரகரில், சுகாதார மையத்தில் செவிலியரை கட்டி வைத்து, மைனர் உட்பட, நான்கு பேர், கூட்டு பலாத்காரம் செய்தனர். குற்றம் சாட்டப்பட்ட நான்கு பேரில், 17 வயது அப்தப்தா உட்பட மொத்தம் மூவரை போலீஸார் இப்போது கைது செய்துள்ளனர். தலைமறைவான மற்றொருவரை போலீசார் தேடி வருகின்றனர்.
மகேந்திரகர் மாவட்டத்தில் உள்ள சிப்சிபி கிராமத்திற்கு (To Sipsipi Village in Mahendragarh District) அருகில் உள்ள சுகாதார நிலையத்தில் மதியம் 3 மணியளவில் ஒரு செவிலியர் தனியாக வேலை செய்து கொண்டிருந்தார். அப்போது அங்கு வந்த நான்கு பேர் சேர்ந்து அவரை கயிற்றால் கட்டிவிட்டனர். பின்னர் அவரை கூட்டு பலாத்காரம் செய்துள்ளனர். இதுகுறித்து போலீசில் கூறினால் கொலை செய்து விடுவதாக மிரட்டிவிட்டு அங்கிருந்து அவர்கள் தப்பியோடி உள்ள்னர்.
சம்பவத்தையடுத்து, செவிலியர் போலீசில் புகார் அளித்தார் (The nurse lodged a complaint) போலீசார் வழக்குப்பதிவு செய்து குற்றவாளிகள் 3 பேரை கைது செய்தனர். மற்றொரு குற்றவாளியை காணவில்லை என்றும், அவரைக் கண்டுபிடிக்க பொறி வைக்கப்பட்டுள்ளதாகவும் மூத்த போலீஸ் அதிகாரி நிமேஷ் பயாயா ஊடகங்களுக்கு தெரிவித்துள்ளார்.
தொலைதூர மற்றும் வெறிச்சோடிய பகுதிகளில் உள்ள சுகாதார மையங்களில் (health centers) பணிபுரிவது குறித்து சுகாதார ஊழியர்கள் கவலை தெரிவித்துள்ளனர். மேலும், போதிய பாதுகாப்பை வழங்குமாறு சத்தீஸ்கர் அரசுக்கு சுகாதாரப் பணியாளர்கள் கோரிக்கை விடுத்துள்ளனர். “எங்களுக்கு பாதுகாப்பு தேவை. குற்றம் சாட்டப்பட்டவர்கள் மீது கடுமையான நடவடிக்கை எடுக்காவிட்டால், நாங்கள் வேலை செய்ய மாட்டோம் என்று மாவட்ட சுகாதார மையத்தின் தலைமை சுகாதார அதிகாரி பிரதிமா சிங் வலியுறுத்தினார்.