New Labour Laws : ஜூலை 1 முதல் அலுவலக வேலை நேரம், பணியாளரின் வருங்கால வைப்பு நிதி (EPF) பங்களிப்புகள் மற்றும் உள் ஊதியம் ஆகியவற்றில் குறிப்பிடத்தக்க மாற்றம் இருக்கும். அலுவலக நேரம் மற்றும் PF பங்களிப்புகள் அதிகரிக்க வாய்ப்புள்ளது, அதே நேரத்தில் உள் சம்பளம் குறையும்.
புதிய தொழிலாளர் சட்ட விதிமுறைகளை கூடிய விரைவில் அமல்படுத்த மத்திய அரசு நடவடிக்கை எடுத்து வருகிறது. ஆனால் இன்னும் சில மாநிலங்கள் இதற்கான விதிகளை வகுக்கவில்லை. இந்த புதிய தொழிலாளர் சட்ட விதிமுறைகள் ஜூலை 1-ம் தேதி முதல் அமலுக்கு வரும் என எதிர்பார்க்கப்படுகிறது.
புதிய தொழிலாளர் சட்டங்கள் நாட்டில் முதலீடுகளை அதிகரிக்கும் மற்றும் வேலை வாய்ப்புகளை அதிகரிக்கும் என்று அரசாங்கம் கூறுகிறது.
இந்த புதிய சட்டங்கள் நிறுவனங்கள் அலுவலக வேலை நேரத்தை கணிசமாக மாற்ற அனுமதிக்கும். அவர்கள் அலுவலக வேலை நேரத்தை 8-9 மணிநேரத்திலிருந்து 12 மணிநேரமாக அதிகரிக்கலாம். ஆனால் அவர்கள் தங்கள் ஊழியர்களுக்கு வாரந்தோறும் மூன்று விடுமுறைகள் கொடுத்து இழப்பீடு வழங்க வேண்டும். ஒரு வாரத்தில் மொத்த வேலை நேரத்தை மாற்றக்கூடாது என்பது யோசனை.
இதையும் படிங்க : Bank Holiday : மே மாதத்தின் வங்கி விடுமுறை நாட்கள்
அதேபோல் ஊழியர்கள் பெறும் சம்பளம் மற்றும் வருங்கால வைப்பு நிதிக்கு நிறுவனங்களின் பங்களிப்பு போன்றவற்றிலும் குறிப்பிடத்தக்க மாற்றம் இருக்கும். புதிய விதிகளின்படி, ஊழியரின் அடிப்படை சம்பளம்,மொத்த சம்பளத்தில் 50 சதவீதமாக இருக்கும். இது வருங்கால வைப்பு நிதிக்கு ஊழியர் மற்றும் நிறுவனங்களின் பங்களிப்பை அதிகரிக்கும். இதன் மூலம் தனியார் துறைகளில் சில ஊழியர்களுக்கு கையில் வாங்கும் சம்பளம் குறையலாம்.
( New Labour Laws from july 1st )