violence in delhi : ஹனுமன் ஜெயந்தி ஊர்வலத்தின் மீது கற்கள் வீசப்பட்டதாகக் கூறப்படும் டெல்லி ஜஹாங்கிர்புரி பகுதியில் நேற்றிரவு இரு சமூகத்தைச் சேர்ந்தவர்கள் மோதிக்கொண்டனர்.
டெல்லியில் நேற்று ஜஹாங்கிர்புரி பகுதியில் நடந்த அனுமன் ஜெயந்தி ஊர்வலத்தில் பங்கேற்றோர் மீது, மற்றொரு தரப்பினர் கல்வீச்சில் ஈடுபட்டதால் கலவரம் ஏற்பட்டது. இந்த சம்பவத்தில் பல வாகனங்கள் மர்மநபர்களால் அடித்து நொறுக்கப் பட்டன. கலவரத்தின் போது அங்கு பாதுகாப்பிற்கு வந்த போலீஸார் அவர்களை கட்டுப்படுத்தினர்.
கல் வீச்சு மற்றும் அதைத் தொடர்ந்து நடந்த மோதலில் 8 போலீஸ்காரர்கள் மற்றும் ஒரு பொதுமக்கள் உட்பட ஒன்பது பேர் காயமடைந்ததாக போலீசார் தெரிவித்தனர்.
காயமடைந்தவர்களில் டெல்லி போலீஸ் சப்-இன்ஸ்பெக்டர் மெதலால் மீனாவும் ஒருவர். அவரது கையில் குண்டு காயம் ஏற்பட்டுள்ளது. அவரது உடல்நிலை சீராக இருப்பதாக போலீசார் தெரிவித்தனர். துப்பாக்கிச் சூடு நடத்தியதாகக் கூறப்படும் அஸ்லாம் கைது செய்யப்பட்டவர்களில் அடங்குவார், மேலும் அவரிடமிருந்து ஒரு நாட்டுத் துப்பாக்கியும் கைப்பற்றப்பட்டது.
இதையும் படிங்க : IPL 2022 : பஞ்சாப் கிங்ஸ் கேப்டன் மயங்க் அகர்வால் அணியில் இருந்து வெளியேறினார்
வன்முறை தொடர்பாக 14 பேரை போலீசார் கைது செய்துள்ளனர். சமூக ஊடகங்களில் உள்ள சிசிடிவி காட்சிகள் மற்றும் வீடியோக்களைப் பயன்படுத்தி மேலும் சந்தேக நபர்கள் அடையாளம் காணப்பட்டுள்ளதாகவும், அவர்களை கைது செய்வதற்கான முயற்சிகள் நடைபெற்று வருவதாகவும் தெரிவிக்கப்பட்டுள்ளது.
( Delhi Hanuman Jayanti violence )