Maharashtra announces holiday on Monday : கொரோனா தொற்று காரணமாக மருத்துவமனையில் சிகிச்சை பெற்று வந்த பழம்பெரும் பாடகர் லதா மங்கேஷ்கர் இன்று காலை காலமானார். அவருக்கு வயது 92.
சுமார் 20 நாட்களுக்கும் மேலாக கொரோனா தொற்றுக்காக மும்பை ப்ரீச் கேண்டி மருத்துவமனையில் சிகிச்சை பெற்று வந்த அவருக்கு இன்று காலை அடுத்தடுத்த பல உறுப்புகளும் செயலிழக்க 8.30 மணியளவில் அவரது உயிர் பிரிந்தது.
லதா மங்கேஷ்கரின் உடல் இன்று மாலை முழு அரசு மரியாதையுடன் அடக்கம் செய்யப்பட்டது.லதா மங்கேஷ்கரின் மறைவுக்கு இரங்கல் தெரிவிக்கும் வகையில், மகாராஷ்டிரா அரசு திங்கள்கிழமை பொது விடுமுறை அறிவித்தது. புகழ்பெற்ற பாடகி லதா மங்கேஷ்கரின் மறைவுக்கு இரண்டு நாள் “அரசு துக்கம்” அனுசரிக்கப்படும் என்று தெரிவிக்கப்பட்டது.
இந்தியா முழுவதும் பிப்ரவரி 6 முதல் பிப்ரவரி 7 வரை தேசியக் கொடி அரைக்கம்பத்தில் பறக்கவிடப்படும் என்று தெரிவிக்கப்பட்டுள்ளது.பிப்ரவரி 6 முதல் பிப்ரவரி 7 வரை 2 நாள் அரசு துக்கம் அனுசரிக்கப்படும் என்றும், இந்த காலகட்டத்தில் உத்தியோகபூர்வ பொழுதுபோக்குகள் எதுவும் இல்லை என்றும் மத்திய அரசு முடிவு செய்துள்ளது. Maharashtra announces holiday on Monday
மேற்கு வங்க அரசும் திங்கள்கிழமை அரை நாள் விடுமுறை அறிவித்து, மாநிலம் முழுவதும் உள்ள முக்கியமான கிராசிங்குகளில் லதா மங்கேஷ்கரின் பாடல்களை 15 நாட்களுக்கு இசைக்குமாறு நிர்வாகத்தை வலியுறுத்தியுள்ளது.லதா மங்கேஷ்கர் பாடகியாக தனது வாழ்க்கைப் பயணத்தை 13 வயதில் 1942-ல் தொடங்கினார். தற்போது வரை அவர் 30 ஆயிரத்திற்கும் அதிகமான பாடல்களை சினிமாவில் பாடியுள்ளார்.
அவர் இந்தி, மராத்தி, பெங்காலி மற்றும் பிற பிராந்திய மொழிகளில் பாடியுள்ளார். அவர் பாரத ரத்னா, பத்ம விபூஷண், பத்ம பூஷன் மற்றும் தாதாசாகேப் பால்கே விருதுகள் மற்றும் பல தேசிய மற்றும் பிலிம்பேர் விருதுகளை பெற்றுள்ளார். லதா மங்கேஷ்கரின் கடைசி முழுமையான ஆல்பம் 2004 ஆம் ஆண்டு பாலிவுட்டில் வெளியான வீர்-ஜாரா ஆகும்.
இதையும் படிங்க : tn news : கோர விபத்து ..பேருந்து கட்டுப்பாட்டை இழந்து விபத்து !